مقبول اداکار شہریار منور صدیقی اور اداکارہ ماہین صدیقی کی شادی کی تقریبات کا آغاز ہوگیا، جس کی ویڈیوز اور تصاویر سوشل میڈیا پر وائرل ہوگئیں۔
انسٹاگرام پر ایک شوبز میگزین کی جانب سے شہریار منور کی ڈھولکی کی ویڈیو سامنے آئی ہے جس میں انہیں ماہین صدیقی کے ہمراہ بیٹھے موسیقی انجوائے کرتے دیکھا جاسکتا ہے۔
شہریار اپنی ڈھولکی کی تقریب میں براؤن رنگ کا کرتا پہنے ہوئے ہیں اور ان کےبرابر میں ماہین صدیقی پیلے سوٹ میں بالوں میں گجرے لگائے گانوں سے لطف اندوز ہورہی ہیں۔
واضح رہے کہ اس سے قبل سوشل میڈیا پر وائرل انٹرویو میں شہریار منور نے اپنی دُلہن سے متعلق انکشاف کرتے ہوئے بتایا کہ ان کی شادی رواں ماہ ہی ہونے والی ہے۔
صحافی نے اہلیہ سے متعلق بھی پوچھا کہ کیا ان کا تعلق شوبز سے ہے تو اداکار نے انکار کرتے ہوئے کہا کہ جی بالکل نہیں۔
اس سے پہلے بھی شہریار منور نے اپنی ہونے والی اہلیہ کے حوالے سے کوئی بیان نہیں دیا تھا لیکن اپنی سالگرہ کے موقع پر ماہین صدیقی کے لیے جان کے لفظ کا استعمال کیا تھا جس کے بعد اداکار کا نام ماہین صدیقی کے ساتھ جوڑا جانے لگا تھا۔