میٹرو پولیٹن پولیس کے مطابق ایک سفید فام شخص جس کی عمر 20 سے 30 سال کے درمیان تھی، نے سات دسمبر کی شام پانچ سے ساڑھے پانچ بجے کے درمیان ایونیو روڈ پر موجود ایک گھر میں نقب لگائی۔
لندن کے علاقے سینٹ جانز وڈز میں ایک گھر سے ایک کروڑ پاؤنڈ مالیت کے زیورات اور ایک ڈیزائنر ہینڈ بیگ جس کی مالیت ڈیڑھ لاکھ پاؤنڈ بتائی جا رہی، چوری ہو گئے ہیں۔
میٹرو پولیٹن پولیس کے مطابق ایک سفید فام شخص جن کی عمر 20 سے 30 سال کے درمیان تھی، نے سات دسمبر کی شام پانچ سے ساڑھے پانچ بجے کے درمیان ایونیو روڈ پر موجود ایک گھر میں دوسری منزل کی کھڑکی سے چڑھ کر اندر داخل ہوئے۔
انھوں نے ہرمیس کروکوڈائل کیلی کے ہینڈ بیگ کو بھی چرایا جس کی قیمت ڈیڑھ لاکھ پاؤنڈ تھی اور ایک کروڑ پاؤنڈ سے زیادہ قیمت کے زیورات چوری کیے، جن میں انتہائی منفرد قسم کے زیور شامل تھے۔
گھر کے مالک نے اس ضمن میں کسی بھی قسم کی ایسی اطلاع پہنچانے والے کے لیے پانچ لاکھ پاؤنڈ انعام دینے کی پیش کی ہے جس سے ملزم کو پکڑنے اور سزا دلوانے میں مدد مل سکے۔
پولیس کا مزید کہنا ہے کہ ملزم نے گہرے رنگ کی ہوڈی (جیکٹ)، کارگو پینٹ اور گرے بیس بال کیپ پہن رکھی تھی اور اس نے اپنے چہرے کو ڈھانپا ہوا تھا۔
جن اشیا کو چرایا گیا ہے ان میں جیولری کے کچھ مخصوص ڈیزائنزبھی شامل تھے۔ ان میں ڈی بیئرز بٹرفلائی ڈائمنڈ کی دو انگوٹھیاں، کیتھرین وانگ کی ڈیزائن کردہ گلابی سفائر کے تتلی کی شکل میں کانوں کے جھمکے، اس کےعلاوہ سونے سے بنا وان کلف کا نیکلس جس میں ہیرے اور سفائر جڑے تھے۔
ایونیو روڈ سوئس کاٹیج اور ریجنٹ پارک کے علاقوں کو آپس میں ملاتا ہے اور اس علاقے میں لندن کی سب سے قیمتی پراپرٹیز موجود ہیں۔
ڈیٹ کان روبرٹس کہتے ہیں کہ جو اشیا چوری ہوئی ہیں ان میں سے بہت سی ایسی چیزیں شامل تھیں جو کہ نادر اور نایاب جیولری ڈیزائن تھے اور چور کے لیے ان کی شناخت کرنا بہت آسان ہے۔
وہ کہتے ہیں کہ یہ ایک ڈھٹائی سے کیا گیا جرم ہے، جس میں نا معلوم ملزم گھر کے اندر اسلحے کے ساتھ داخل ہوا اور اس نے متاثرہ شخص کے گھر کے تقدس کو پامال کیا ہے۔
ان کا کہنا ہے کہ ’ہم ایونیو روڈ اوراین ڈبلیو ایٹ میں رہنے والوں لوگوں سے درخواست کرتے ہیں کہ اگر کسی نے کوئی بھی مشکوک چیز دیکھی ہے تو پلیز آگے آئیے۔‘
’اور اگر آپ میں سے کسی نے وہ زیورات دیکھے ہیں یا کسی نے آ پ کو بیچنےکے لیےآفر کی ہے یا آپ کے پاس کوئی اور معلومات ہیں تو پلیز پولیس سے یا کرائم سٹاپر نامی کمیونٹی پروگرام کو اطلاع دیجیے۔‘
دوسرا انعام چویر کردہچیز کی قیمت کا دس فیصد ہو گاجس کی پیشکش گھر کے مالک نے کیہے۔ یہ اس شخص کو دیا جائے گا جو چوری ہونے والی جیولری کی بازیابی میں مدد کے لیے اطلاع پہنچائے گا۔
