برازیل سے تعلق رکھنے والی ماڈل جولیانا آئسن کی ناک پر کتے نے کاٹ لیا۔
جولیانا آئسن نے 2015 میں برازیل کے اس وقت کے صدر دلما روسیف کے خلاف برہنہ ہوکر احتجاج کیا تھا۔
غیر ملکی خبر رساں ادارے کے مطابق 39 سالہ جولیانا کتے پالنے کی شوقین ہیں، ان کے ساتھ خوفناک واقعہ نیوائیر نائٹ کے موقع پر میکسیکو سٹی میں پیش آیا جہاں جولیانا کی نیوائیر نائٹ خوفناک حادثے میں بدل گئی۔
رپورٹ میں بتایا گیا ہے کہ جولیانا کو ان کے پالتو کتے نے پہلے ہاتھ اور پھر منہ پر کاٹا جس کے بعد انہیں اسپتال لے جایا گیا جہاں ان کی 2گھنٹے تک سرجری کی گئی۔
کتے کے کاٹنے کے حوالے سے جولیانا آئسن نے بتایا کہ’اکیتا نامی کتے نے میری ناک پر اتنی زور سے کاٹا کہ مجھے لگا کہ میں اپنا چہر ہ کھودوں گی لیکن شکر ہے پلاسٹک سرجری سے اب میرے چہرے پر کوئی نشان نہیں پڑے گا، ڈاکٹرز نے میری ناک کی پوری سرجری کی ہے۔