ایک ہفتے کے دوران مہنگائی کی شرح میں 0.04 فیصد کی کمی ریکارڈ کی گئی ،سالانہ بنیادوں پر مہنگائی بڑھنے کی شرح 0.98 فیصد کی سطح پر آگئی۔
ادارہ شماریات نے ہفتہ وار بنیادوں پر مہنگائی سے متعلق رپورٹ جاری کر دی جس کے مطابق ایک ہفتے کے دوران 13 اشیا مہنگی ، 15 سستی اور23 کی قیمتوں میں استحکام رہا۔
وفاقی بیوروکریسی میں اعلیٰ سطح پر تقرر و تبادلے
رپورٹ کے مطابق ایک ہفتے میں کیلے فی درجن 12 روپے 96 پیسے مہنگے ہو گئے،چکن فی کلو 15 روپے 45 پیسے مہنگا ہوا،ہفتے کے دوران انڈے فی درجن 5 روپے 85 پیسے مہنگے ہوئے۔
گزشتہ ہفتے لہسن کی فی کلو قیمت میں 9 روپے 77 پیسے کا اضافہ ہوا،ایک ہفتے میں چینی فی کلو 1 روپے 16 پیسے مزید مہنگی ہوئی،مٹن، بیف، دودھ، دہی اور دال ماش بھی مہنگی ہونے والی اشیا میں شامل ہیں۔
ہفتہ وار بنیادوں پر ٹماٹر فی کلو 5 روپے 42 پیسے، پیاز فی کلو 3 روپے 63 پیسے سستے ہوئے،190 گرام چائے کا پیکٹ 24 روپے 26 پیسے سستا ہوا۔
یوسف رضا گیلانی کے چاروں بیٹوں کے وارنٹ گرفتاری جاری
ایک ہفتے کے دوران دال چنا کی قیمت میں 6 روپے 48 پیسے کمی ہوئی،ایل پی جی، آٹا، گڑ، جلانے کی لکڑی بھی سستی ہونے والی اشیا میں شامل ہیں۔
بریڈ، سگریٹ، ماچس، کپڑوں سمیت23 اشیا کی قیمتیں مستحکم رہیں۔