کراچی: سندھ کابینہ نے صوبائی سرکاری ملازمتوں میں عمر کی حد 5 سال بڑھا دی۔
وزیر اعلیٰ سندھ سید مراد علی شاہ کی زیرصدارت صوبائی کابینہ کا اجلاس یوا۔ اجلاس میں سرکاری ملازمتوں میں عمر کی حد بڑھانے کا فیصلہ کیا گیا۔
سندھ کے سینئر وزیر شرجیل انعام میمن نے کہا کہ سرکاری نوکریوں پر پابندی تھی جس کے باعث یہ فیصلہ کیا گیا۔ فیصلے کا اطلاق سندھ پولیس اور پبلک سروس کمیشن کی نوکریوں پر نہیں ہو گا۔
انہوں نے کہا کہ پہلے سرکاری ملازمت کی حد 28 سال تھی جسے بڑھا کر 33 سال کر دیا گیا ہے۔
یہ بھی پڑھیں: سندھ میں فزیکلی ان فٹ گاڑیوں کیخلاف کریک ڈاؤن کا فیصلہ
سندھ کابینہ نے سرکاری ملازمت کے لیے اپلائی کرنے کی عمر بڑھانے کی منظوری دے دی۔
کابینہ اجلاس کے بعد شرجیل انعام میمن نے پریس کانفرنس کرتے ہوئے کہا کہ پیر سے اسلحے کی نمائش پر گرفتاری ہو گی۔ جبکہ غیر رجسٹرڈ گاڑیوں کی پیر سے ضبطگی شروع ہو جائے گی۔
انہوں نے کہا کہ جو گاڑی رجسٹرڈ ہو گی وہی شو روم سے نکلے گی۔ اور گاڑیوں کے فٹنس سرٹیفکیٹس بھی لازمی ہیں۔ کوئی بھی کم عمر بچہ ڈرائیونگ کرتے ہوئے پکڑا گیا تو گرفتار ہو گا۔ بغیر لائسنس گاڑی چلانے والے کو بھی گرفتار کیا جائے گا۔
سینئر صوبائی وزیر نے کہا کہ کابینہ نے یونیورسٹی بورڈز سے متعلق گورنر کے اعتراضات کو مسترد کر دیا ہے۔