پاکستان اسٹاک ایکسچینج میں کاروبار کے دوران تیزی کا رجحان دیکھا گیا ، تبادلہ مارکیٹ میں ڈالر کی قیمت میں بھی کمی ہو گئی۔
کاروباری ہفتے کے پہلے روز اسٹاک مارکیٹ میں مثبت کاروبار کا آغاز ہوا ، اسٹاک ایکسچینج کے 100 انڈیکس میں 400 پوائنٹس کا اضافہ ہوا جس سے انڈیکس ایک لاکھ 12 ہزار 485 پوائنٹس پر ٹریڈ کرتے دیکھا گیا۔
اسٹاک مارکیٹ میں زبردست تیزی ، ڈالر معمولی سستا ہو گیا
واضح رہے گزشتہ ہفتے اسٹاک مارکیٹ میں تیزی کا رجحان رہا تھا ، انڈیکس میں اضافے کے باعث سرمایہ کاروں کو اربوں روپے کا فائدہ پہنچا تھا۔
دوسری جانب ایکسچینج کمپنیز ایسوسی ایشن کے مطابق انٹربینک میں ڈالر سستا ہو گیا ہے ، 11 پیسے کی کمی کے بعد ڈالر کی قیمت 279 روپے 10 پیسے ہو گئی۔