آئی سی سی چیمپئنز ٹرافی 2025 میں شرکت کے لیے انگلینڈ کرکٹ ٹیم پاکستان پہنچ گئی ہے۔
منگل کے روز انگلینڈ کرکٹ ٹیم کپتان جاس بٹلر کی قیادت میں دبئی سے لاہور پہنچی۔ ٹیم میں کھلاڑیوں اور سٹاف سمیت 31 ممبران شامل ہیں۔
ہیڈ کوچ برینڈن میکلم سمیت انگلینڈ کرکٹ ٹیم کے منیجنگ ڈائریکٹر رابرٹ کی بھی ٹیم کے ہمراہ پاکستان آئے ہیں۔
انگلینڈ کرکٹ ٹیم چیمپئنز ٹرافی میں اپنے گروپ میچ لاہور اور کراچی میں کھیلے گی۔
انگلینڈ کا افتتاحی میچ 22 فروری کو روایتی حریف آسٹریلیا کے خلاف قذافی اسٹیڈیم لاہور میں کھیلا جائے گا، جبکہ دوسرا میچ افغانستان کے خلاف 26 فروری کو لاہور میں شیڈول ہے۔
انگلینڈ اپنا تیسرا اور آخری گروپ میچ یکم مارچ کو جنوبی افریقہ کے خلاف نیشنل سٹیڈیم کراچی میں کھیلے گا۔
اس سے قبل نیوزی لینڈ، جنوبی افریقہ، آسٹریلیا، افغانستان کی کرکٹ ٹیمیں بھی پاکستان پہنچ چکی ہیں۔