ٹیکنالوجی کمپنی ایپل کے چیف ایگزیکٹیو ٹِم کُک نے کہا ہے کہ کمپنی رواں ہفتے نئی پراڈکٹ لانچ کرنے کی تیاری کر رہی ہے۔
ٹِم کک کی جانب سے ویڈیو کے ساتھ کی جانے والی ایک مبہم ٹویٹ میں اشارہ دیا کہ ’اس ہفتے‘ کچھ ہونے جا رہا ہے۔
یہ توقع کی جا رہی ہے کہ عین ممکن ہے کہ نئی میک بُک ایئر کی اپ ڈیٹ متعارف کرائی جائے۔ اس اپ ڈیٹ کے مطابق ڈیوائس میں ایپل کی جدید ترین ایم 4 چِپ کے ساتھ اضافی ریم اور مزید ڈسپلیز کے ساتھ استعمال کا آپشن متوقع ہے۔
ٹویٹ میں استعمال کی گئی ٹیگ لائن “something in the air” اس وقت بھی استعمال کی گئی تھی جب ایپل نے پہلی بار 2008 میں میک بُک ایئر متعارف کرایا تھا۔
اس کے علاوہ عین ممکن ہے کمپنی کی جانبس ے نیا آئی پیڈ ایئر بھی متعارف کرا دیا جائے۔
بلومبرگ کے رپورٹر مارک گرمن کا کہنا تھا کہ ایپل اسٹورز میں ٹیبلٹ کم دستیاب ہیں اور کمپنی نے طویل تعارفی سیشنز کے انعقاد کا منصوبہ بنایا ہے جس سے سمجھا جا سکتا ہے کہ ’ڈبل ایئر اناؤنس منٹ‘ کی جا سکتی ہے۔