اسرائیلی فوج نے دعویٰ کیا ہے کہ حماس نے اسرائیل کے جنوبی علاقے اشدود کی طرف 10 راکٹ فائر کیے۔
حماس کے حملے کے بعد مقبوضہ عسقلان میں نقصانات کی اطلاعات ہیں۔ اسرائیلی میڈیا کے مطابق غزہ سے اسرائیلی علاقوں کی جانب 10 راکٹ داغے گئے جو گزشتہ 10 ماہ کے دوران غزہ سے ہونے والا سب سے بڑا راکٹ حملہ ہے۔
اسرائیل کی غزہ پر بربریت جاری، 2 صحافیوں سمیت 65 فلسطینی شہید
فلسطینی مزاحمتی تنظیم حماس کے عسکری ونگ القسام بریگیڈز نے اس راکٹ حملے کی ذمہ داری قبول کی ہے ، اسرائیلی فوج کے مطابق غزہ سے داغے جانے والے اکثر راکٹوں کو فضا میں ہی تباہ کر دیا گیا۔
دوسری جانب اسرائیلی فوج کے غزہ میں رات بھر حملے جاری رہے، جس میں مسجد اور خیموں میں سوئے بےگھر فلسطینیوں کو نشانہ بنایا گیا ، ان وحشیانہ حملوں میں بچوں اور خواتین سمیت 21 فلسطینی شہید ہو گئے۔