ایران نے اسرائیلی حملے کے جواب میں بلسٹک میزائلوں کا ایک نیا راؤنڈ فائر کر دیا ہے جس سے اسرائیلی وزیراعظم نیتن یاہو کی رہائش گاہ کو بھی نشانہ بنایا گیا ہے۔
اسرائیلی اخبار نے دعوی کیا ہے کہ ایرانی میزائل نے نیتن یاہو کی رہائشگاہ کو نقصان پہنچایا ہے۔ اخبار کے مطابق اسرائیلی وزیراعظم نیتن یاہو نے بم پروف شیلٹر میں پناہ لی۔
تہران ٹائمز کا کہنا ہے کہ ایرانی حملے کے نئے راؤنڈ میں تل ابیب، حیفہ اور اشکلان سمیت اسرائیل کے کئی شہروں کو نشانہ بنایا جا رہا ہے ۔
ایرانی میڈیا کا کہنا ہے کہ ایران نے نئے راؤنڈ میں اب تک 50 بیلسٹک میزائل فائر کیے ہیں۔
وزیراعظم نیتن یاہو کا کہنا ہے کہ ہمارے پائلٹس ہمارے جہاز ایران کی فضاؤں میں موجود ہیں اور ایران کو اسرائیل پر حملہ کرنے کی سزا بھگتنا ہوگی۔
ادھر ایران کے دارالحکومت تہران میں کئی دھماکے سنے گئے ہیں۔ ایرانی میڈیا کے مطابق پانچ مختلف مقامات پر گاڑیوں میں بم دھماکے ہوئے ہیں۔ ایرانی حکام کا کہنا ہے کہ یہ دھماکے فضائی حملوں میں ناکامی کے بعد اسرائیل نے کروائے ہیں۔