کراچی کے علاقے لیاری بغدادی میں گرنے والی عمارت کی تحقیقات کے لیے چیف سیکر یٹری سندھ نے کمیٹی تشکیل دے دی۔
کمیٹی پانچ ارکان پر مشتمل ہے جس کے سربراہ کمشنر کراچی ہوں گے جبکہ کمیٹی میں عائشہ حمید اسپیشل سیکریٹری لوکل گورنمنٹ، ندیم احمد سیکریٹری کمپلین میل ایس بی سی اے، آصف علی لنگاہ ڈپٹی ڈائریکٹر ایس بی سی اے حمید اللہ سیکشن آفیسر شامل ہیں۔
کمیٹی بغدادی میں عمارت گرنے کی وجوہات کی جانچ پڑتال کرے گی، تحقیقاتی کمیٹی عمارت گرنے کے ذمہ داروں کا تعین کرے گی اور مستقبل میں اس طرح کے واقعات سے بچاؤ کے لیے سفارشات پیش کرے گی۔
پانچ رکنی کمیٹی مخدوش عمارتوں سے مکینوں کو نکالنے کا طریقہ کار بھی واضح کرے گی، کمیٹی تحقیقات کے لیے کسی بھی افسر کو طلب کرسکتی ہے۔