کرکٹ شائقین کو وہ نغمہ سننے کو مل گیا ہے جس کا بڑی شدت
سے انتظار کیا جارہا ہے اور اس نغمے کو کرکٹ شائقین کی ایک بڑی تعداد نے
پسند بھی کیا ہے- “ کھیل دیوانوں کا “ پی ایس ایل 4 کا آفیشل نغمہ ہے جسے
لاکھوں دلوں کی دھڑکن نوجوان فنکار فواد خان نے گایا ہے جبکہ اس نغمے کو
شجاع حیدر نے لکھا ہے-
|
|
یہ نغمہ لطف و تفریح سے بھرپور ہے اور اس میں ہر وہ چیز موجود ہے جس کی
توقع کی جارہی تھی- فواد اپنی اس شاندار پرفارمنس کے ذریعے بھی دنیا بھر
میں موجود اپنے پرستاروں کے دل جیتنے میں کامیاب رہے-
پی ایس ایل کے گزشتہ 3 سیزن کے نغمے علی ظفر نے گائے تھے اور وہ بھی بہت
پسند کیے گئے تھے جبکہ اس بار یہ موقع فواد خان کو دیا گیا-
پاکستان سپر لیگ نے آفیشل ٹوئٹر اکاؤنٹ پر یہ نغمہ جاری کر کے کرکٹ شائقین
میں ایک نیا جذبہ پیدا کردیا ہے-
|
|
اور اب انہیں اس وقت کا انتظار ہے جب دبئی میں ہونے والی پی ایس ایل 4 کی
افتتاحی تقریب میں فواد خان یہ گانا لائیو گائیں گے- اور اس لائیو پرفارمنس
میں ان کے ساتھ ینگ دیسی٬ جنون٬ آئمہ بیک اور بونی ایم بھی شامل ہوں گے- |