|
پرندوں کے عالمی تصویری مقابلے کی منتخب تصاویر۔ اس
مقابلے میں گلابی لم ڈھینگوں کی تصویر کو بہترین تصویر قرار دیا گیا ہے۔
|
|
|
یہ ایوارڈ یافتہ تصویر پیرو سے تعلق رکھنے والے فوٹو گرافر پیڈو یارک نے
بنائی ہے اور انھوں نے اسے ’بلیک فرائیڈے‘ کا نام دیا ہے کیونکہ انھیں یہ
منظر دیکھ کر خریداری کے لیے اس مشہور دن کی بھیڑ یاد آتی ہے۔ زیرنظر تصویر
میڈرڈ میں ایک پرندوں کی آماجگاہ میں امریکن لم ڈھینگوں کے گروہ کو دیکھا
جا سکتا ہے۔
|
|
|
بہترین پورٹفولیو کے زمرے میں ایوارڈ حاصل کرنے والے پیٹر بومبوسیک کہتے
ہیں کہ ’برازیل کے پنٹانل علاقے کے دورے کے موقع پر جب میں کشتی پر تھا تو
میرا دھیان ایک شکار کرتے ہوئے سارس کی جانب گیا۔ موقع جانتے ہوئے، میں نے
ملاح کو کشتی آہستہ چلانے اور اس پوزیشن میں لانے کو کہا کہ پرندے کے عقب
میں روشنی جھلکے۔‘
|
|
|
ڈیوڈ ایسٹن کی یہ تصویر سنگاپور کے جورونگ برڈ پاک میں بنائی گئی جس میں
ایک کلغی والے کبوتر کو دیکھا جا سکتا ہے۔ وہ کہتے ہیں کہ ’میں سورج کی
روشنی سے اس کی چمکتی ہوئی کلغی کے پروں کی تصویر بنانا چاہتا تھا۔ لیکن اس
کے لیے مجھے کبوتر کے سر کے مڑنے کا انتظار کرنا تھا۔ یہ پرندے پھرتیلے
ہوتے ہیں، چنانچہ کیمرے کی تیز شٹر سپیڈ چاہیے تھی۔‘
|
|
|
رچرڈ شکسمتھ کہتے ہیں کہ ’اس دن، میں ایک دوست کے ساتھ اس کی کشتی پر
تصویریں بنا رہا تھا، میں سمندر میں آدھی نیچے اور آدھی سطح کے اوپر تصاویر
بنانے کے لیے خصوصی طور پر تیار کیا گیا ایک بڑا ڈوم پورٹ استعمال کر رہا
تھا۔ انھوں نے یہ تصویر سکاٹش پانیوں میں بنائی۔
|
|
|
سلواڈو کولوی نمبیبیا کے نمب نوکلفٹ نیشنل پارک کے ٹیلوں پر چہل قدمی کرتے
ہوئے بارہ سنگھوں کی تلاش کر رہے کہ جب انھوں نے ٹیلوں کے ’سمندر‘ میں گھرے
ایک ستر مرغ کو دیکھا۔ وہ کہتے ہیں کہ ’میں نے اس سخت ماحول میں اس ویران
جگہ پر یہ تصویر بنانے کا فیصلہ کیا۔‘
|
|
|
برطانوی فوٹوگرافر سینا انڈرسن نے آئل آف وائٹ کے اوپر اڑتے ہوئے ایک چھوٹے
سے بگلے کی تصویر بنائی۔ انھوں نے روشنی کے پس منظر میں یہ تصویر بنانے کے
لیے ایک ہفتے میں اس جگہ کا تین بار دورہ کیا۔
|
|
|
سویرویو گٹو نے پانی کے اوپر اٹھکیلیاں کرتے اس جھلی دار پیروں والے پرندے
کی تصویر بنائی۔
|
|
|
کچھ عرصہ قبل نیکوس بکاس نے دیکھا کہ ہل جوتی ہوئی زمین پر سردیوں میں اکثر
لال چڑیاں آتی ہیں، اور زمین سے کیڑے مکوڑتے چگتی ہیں۔ اس سال فروری میں وہ
یونان کے شمال مغربی علاقے میں آلو کی فصل کی تیاری کر رہے تھے، انھوں نے
اپنی کدال کے قریب ایک کیڑا رکھ دیا جس کو کھانے کے لیے یہ لال چڑیا آئی۔
|
|
|
ینگ برڈ فوٹوگرافر آف دی ایئر جوہان کالبرگ نے اپنے
آبائی شہر سٹاک ہوم میں ایک جھیل کے کنارے اس تصویر کو بنانے کے لیے صبح
تین بجے کا الارم سیٹ کیا تھا۔ ان کی نظر ایک مرغابی پر پڑی اور انھوں نے
صبح کی سنہری روشنی میں یہ تصویر بنائی۔
|
 |