|
|
| |
| تعلیم مکمل کرنے کے بعد نوکری کا حصول ایک مشکل مرحلہ
ہوتا ہے اور انٹرویو اسی مشکل مرحلے کا ایک اہم ترین حصہ۔ ہم چاہے کتنی بھی
اعلیٰ ڈگریز کیوں نہ لے لیں جب نوکری کے لئے پہلا انٹرویو دینے جاتے ہیں تو
فطری گھبراہٹ لازمی محسوس ہوتی ہے۔ اس آرٹیکل میں ہم آپ کو کچھ ایسی بنیادی
باتوں کے بارے میں بتائیں گے جن سے آپ اپنے انٹرویو کا تجربہ بہتر بنا سکتے
ہیں اور اپنی من چاہی نوکری حاصل کرنے میں کامیاب ہوسکتے ہیں۔ |
| |
| پرسکون نظر آئیں |
| اگرچہ ایسا ہونا مشکل ہے لیکن سائنس کہتی ہے کہ اگر آپ
اپنے جسم کو پر سکون رکھنے میں کامیاب ہوجاتے ہیں تو تھوڑی دیر میں آپ کا
دماغ بھی پرسکون محسوس کرنے لگے گا۔ اس لئے ٹیک لگا کر سیدھے بیٹھیں، تھوڑی
سیدھی رکھیں اور ہاتھوں کو آرام دہ انداز میں رکھیں۔ |
| |
| میک اپ اور لباس |
| آگر آپ خاتون ہیں تو اس بات کا خیال رکھیں کہ آپ کا میک
اپ بہت زیادہ نہ ہو۔ نیچرل نظر آنے کی کوشش کریں۔ بہت زیادہ جیولری نہ
پہنیں۔ ایک گھڑی اور کان میں چھوٹے ٹاپس پہننا کافی ہوگا۔ نیل پالش کا رنگ
بھی نہت زیادہ شوخ نہ ہو تو بہتر ہے۔ اسی طرح اگر آپ مرد ہیں تو بہت ڈارک
رنگ پہننے کے بجائے کنٹراسٹ کرتے رنگوں کا انتخاب کریں۔ اگر پینٹ کالی ہے
تو کوشش کریں شرٹ ہلکی نیلی ہو اور کوٹ ہلکا خاکی یا شرٹ سے نسبتاً گہرے
رنگ کا ہو۔ |
| |
| اپنی کمزوریوں کا ذکر
برے الفاظ میں نہ کریں |
| ہر شخص میں کچھ کمی یا خامی ہوتی ہے البتہ اس کے اظہار
کے لئے خود پر تنقیدی انداز نہ اپنائیں بلکہ کوشش کریں کہ اسے مثبت انداز
سے بتائیں مثال کے طور پر اگر آپ خآموش طبع ہیں تو یہ کہہ سکتے ہیں کہ “
میں زرا کم گو انسان ہوں اس لئے باتیں کرنے کے بجائے میں کام میں وقت
گزارنا پسند کرتا ہوں“ |
|
|
| |
| تنخواہ کے بارے میں پہل
آپ نہ کریں |
| نوکری کا مقصد پیسہ کمانا ہوتا ہے لیکن تحقیق سے یہ بات
سامنے آئی ہے کہ انٹرویو کے دوران امیدواروں کا اپنی تنخواہ کے بارے میں
بات کرنے سے انھیں نوکری کا موقع ملنے کا چانس کم ہوجاتا ہے اس لئے اس بارے
میں تب تک بات نہ کریں جب تک آپ سے پوچھا نہ جائے۔ البتہ اگر آپ سے آپ کی
متوقع تنخواہ دریافت کی جائے تو آپ مناسب رقم کے بارے میں بتا سکتے ہیں۔ |
| |
| انٹرویو کا اختتام
“شکریہ“ کے ساتھ کریں |
| دورانِ انٹرویو مثبت اور خوشگوار انداز میں بات کرنے کے
بعد اپنے انٹرویور کو شکریہ کہنا نہ بھولیں۔ اس سے اندازہ ہوگا کہ آپ کو
دوسروں کے وقت کی کتنی قدر ہے اس کے علاوہ ایسے لوگ جو اچھے اخلاق سے پیش
آتے ہوں ان کو نئے ہونے کے باوجود موقع دیا جاتا ہے۔ |
|
|