میرا ڈيتھ سرٹیفیکیٹ جس کو ملے اس ایڈریس پر پہنچا دے، مردہ شخص نے اپنے ڈیتھ سرٹیفیکیٹ کا اشتہار خود کیسے دے دیا؟

جس طرح کوئی فرد اپنی پیدائش کا سرٹیفیکیٹ پیدا ہونے سے پہلے نہیں لے سکتا اسی طرح مرنے کے بعد ڈیتھ سرٹیفیکیٹ کا حصول بھی کسی فرد کے لیے خود وصول کرنا ناممکن ہوتا ہے-

ڈیتھ سرٹیفیکیٹ کی گمشدگی کا اشتہار

گزشتہ دنوں سوشل میڈیا پر بھارت کے ایک اخبار میں شائع ہونے والا ایک اشتہار وائرل ہو رہا ہے جس کے مطابق ایک مردہ شخص کی جانب سے یہ اشتہار شائع کروایا گیا ہے جس میں تحریر ہے کہ میرا ڈيتھ سرٹیفیکیٹ لمڈنگ بازار میں صبح سات ستمبر 2022 کو گم ہو گیا ہے جس کا رجسٹریشن نمبر 18/93 ہے اور سیرئيل نمبر 0068132 ہے-

اس اشتہار کے نیچے مردہ شخص کا نام رنجیت کمار چکروتی ولدسدھان گسو بیمل چکروتی تحریر ہے
اس کے رجسٹریشن سے ظاہر ہوتا ہے کہ مرحوم کا انتقال سال 2018 میں ہوا ہے۔

مردہ انسان کیسے اشتہار دے سکتا ہے؟

سوشل میڈیا پر اس اشتہار کے سامنے آنے کے بعد لوگوں نے مختلف تاثرات کا اظہار کیا کچھ کا یہ کہنا تھا کہ ایسے واقعات صرف بھارت میں ہی ہو سکتے ہیں جب کہ ایک مردہ انسان بزات خود اپنے ڈيتھ سرٹیفیکیٹ کی گمشدگی کا اشتہار دے رہا ہے-

سرٹیفیکیٹ ملنے کے بعد جنت میں جا کر دیں یا جہنم میں

جبکہ کچھ صارفین نے ازراہ تفنن یہ بھی دریافت کیا کہ اگر سرٹیفیکیٹ مل جائے تو اس کو کہاں پہچانا ہے جنت میں بھجوائیں یا جہنم میں-

ثائم مشین کا سفر ایسا ہی ہوتا ہے

عام طور پر انگریزی فلموں میں تو ہم سب ہی نے ٹائم مشین اور اس کی گزرے وقت میں آنا جانا تو دیکھا ہو گا مگر کچھ صارفین کے مطابق ٹائم مشین کے سفر میں ہی ایسا ممکن ہے جب کہ انسان مرنے کے بعد بھی دوبارہ آنے والے وقت میں آسکتا ہو-

یہ کارنامہ کس اخبار کا ہے

کچھ صارفین اس کارنامہ کو انجام دینے والے اخبار کا نام جاننے کے بھی مشتاق ہیں جنہوں نے کچھ پیسوں کے حصول کے لیے ایسا اشتہار چھاپ دیا جس کا حقیقت کی دنیا سے کوئی تعلق نہیں ہے-

اخباروں کی ایسی حرکات کوئی نئی بات نہیں ہے یاد رہے تو کچھ ماہ قبل بھی آسٹریلیا کے ایک اخبار نے بھی ایک خاتون کی جانب سے پورے صفحے کا اشتہار چھاپ دیا تھا جس میں جینی نامی ایک خاتون نے اپنے شوہر اسٹیو کی بے وفائی کے بعد پورے اخبار کے ایک صفحے کا اشتہار صرف اس کی خیر خیریت معلوم کرنے کے لیے چھاپا تھا جس کا بل بھی اسی آدمی کے کریڈٹ کارڈ سے دیا گیا تھا مگر اخبار والوں نے بعد میں اس اشتہار سے لا تعلقی کا اظہار کر دیا تھا-

< Previous اگر آپ پاکستان میں رہتے ہوئے راتوں رات امیر بننا چاہتے ہیں تو یہ پانچ پیشے اپنا لیں NEXT > قیامت خود بتائے گی کہ وہ کیوں ضروری تھی، بچوں کو پیٹ بھر روٹی کھلانے کی خواہش جان لے گئی