|
|
آسٹریلیا ایک ایسا دلچسپ ملک ہے جسے اگر دنیا کے سب سے
عجیب وغریب جانوروں کا گھر کہا جائے تو غلط نہ ہوگا- اس ملک میں رہنے والوں
کا سامنا خوفناک جانوروں سے تو عام ہوتا رہتا ہے- تاہم ہم آسٹریلیا میں
پائے جانے والے جن جانوروں سے متعلق آپ کو بتانے جارہے ہیں یہ بھی کم
خوفناک نہیں ہیں جبکہ آپ نے ان کے بارے میں کبھی سنا بھی نہیں ہوگا- |
|
Thorny Devil |
اس چھپکلی کو یہ انوکھا نام اس لیے دیا گیا ہے کیونکہ یہ
چھوٹے چھوٹے سینگوں سے ڈھکی ہوئی ہے۔ یہ عجیب و غریب چھپکلی آسٹریلیا کے
خشک اور ریتیلے صحراؤں میں پائی جاتی ہے- اس کی خوراک بنیادی طور پر
چیونٹیوں پر مشتمل ہوتی ہے جسے یہ اپنی زبان سے پکڑتی ہے۔ اس چھپکلی کو جب
آپ آرام کی ضرورت ہوتی ہے تو یہ اپنا سر ریت میں دفن کردیتی ہے- |
|
|
Tasmanian Devil |
اس جانور کو یہ نام اس کی خوفناک چیخ اور مضبوط جبڑوں کی
وجہ سے دیا گیا ہے- یہ سب سے بڑے گوشت خور مرسوپیئل ہیں۔ تاہم اب یہ
معدومیت کے خطرے سے دوچار ہیں- اس جانور کے لیے موجودہ خطرہ لاعلاج کینسر
کا ٹیومر ہے۔ 1990 کی دہائی سے جب سے کینسر ایک مسئلہ بن گیا ہے تو جانوروں
کی آبادی میں 70 فیصد کمی آئی ہے۔ |
|
|
Australian Southern
Cassowary |
یہ عجیب و غریب نظر آنے والا پرندہ کوئی بہت ہی قدیم
مخلوق لگتا ہے! کیسووری شمال مشرقی آسٹریلیا میں برساتی جنگلات میں رہتے
ہیں۔ یہ ایک بہت بڑا پرندہ ہے اور اسے تنگ کرنے کی کوشش نہی کرنی چاہیے۔ یہ
لوگوں کو زخمی کرنے کے لیے بھی جانا جاتا ہے۔ یہ اپنا دفاع بڑے پنجوں اور
طاقتور ٹانگوں کے ساتھ کرتا ہے۔ |
|
|
Frilled Neck Lizard |
اس چھپکلی کو دیکھ کر ایسا لگتا ہے کہ جیسے کہ جراسک پارک مووی سے باہر نکل
کر آگئی ہو- لیکن نہیں ایسا بالکل نہیں ہے بلکہ اس کا گھر شمالی آسٹریلیا
میں ہے- اس کی گردن کے گرد موجود پردہ عام طور پر چپٹی حالت میں رہتا ہے،
لیکن جب اسے خطرہ محسوس ہوتا ہے تو یہ شکاریوں کو ڈرانے کے لیے اسے سامنے
لے آتی ہے۔ یہ چھپکلی درختوں میں گھومنا پسند کرتی ہے، اور یہ بنیادی طور
پر کیڑے مکوڑے کھاتی ہے۔ |
|
|
Bilby |
'Macrotis'، جسے بلبی یا rabbit-bandicoots بھی کہا جاتا ہے، صحرا میں رہنے
والے مرسوپیئل ہیں۔ بلبی کے دو سائز ہوتے تھے، بڑا بلبی اور چھوٹا بلبی۔
تاہم، چھوٹے بلبی 1950 کی دہائی میں معدوم ہو گئے ہیں۔ اس وقت بڑا بلبی بھی
خطرے سے دوچار ہے۔ دلچسپ بات یہ ہے کہ انہیں پانی پینے کی ضرورت نہیں ہوتی
اور وہ سارا پانی اپنے کھانے سے حاصل کرتے ہیں، جس میں بنیادی طور پر کیڑے
مکوڑے، بیج، پھل اور چھوٹے جانور ہوتے ہیں۔ |
|
|
Laughing Kookaburra |
لافنگ کوکابورا کنگ فشر خاندان کا سب سے بڑا پرندہ ہے۔ یہ پرندے مشرقی، مین
لینڈ آسٹریلیا کے رہنے والے ہیں۔ یہ اپنے عجیب وغریب قہقہوں اور غیر معمولی
چیخوں کے لیے مشہور ہیں- یہ چن کر کھانے والے نہیں ہیں اور سانپ اور دیگر
پرندے سمیت تقریباً ہر چیز ہی کھا جاتے ہیں۔ |
|