|
یوں تو بھول جانے کی بیماری انسان کے لیے نقصان کا باعث
بنتی ہے بالخصوص بزرگ افراد کے لیے لیکن اگر قسمت انسان پر مہربانی کرنے کی
ٹھان لے تو کوئی کمزوری یا بیماری اس کے راستے میں رکاوٹ نہیں بن سکتی-
|
|
|
|
ایسا ہی کچھ ہوا برطانیہ کے ایک مالی مارٹن کراٹن کے ساتھ جنہوں ایک لاٹری
کا ٹکٹ تو خرید رکھا تھا لیکن اس کے نتائج دیکھنا بھول بیٹھے-
44 سالہ مارٹن نے لاٹری کا یہ ٹکٹ گزشتہ ماہ خریدا لیکن یادداشت کی کمزوری
کے باعث نتائج دیکھنا بھول گئے اور اس بات سے لاعلم رہے کہ وہ اس لاٹری ٹکٹ
کے ذریعے 1 ملین برطانوی پاؤنڈز کا بھاری انعام جیت چکے ہیں-
دلچسپ بات یہ ہے کہ انہیں اس لاٹری ٹکٹ کا خیال اس وقت آیا جب انہوں نے
اتفاقیہ طور پر ’گمشدہ لکھ پتی‘ نامی ایک آرٹیکل پڑھا- اس کے بعد مارٹن نے
اپنے خریدے ہوئے لاٹری ٹکٹ کے نتائج دیکھے تو انہیں یہ دیکھ کر شدید حیرت
ہوئی کہ وہ یہ لاٹری جیت چکے ہیں-
|
|
|
مارٹن کا کہنا ہے کہ “ اگرچہ میں لاٹری ٹکٹ سے 1 ملین پاؤنڈ کی بھاری رقم
جیت چکا ہوں لیکن اس کے باوجود میں مالی کا پیشہ نہیں چھوڑوں گا اور پہلے
کی مانند کام کرتا رہوں گا- تاہم اس سے قبل میں کرائے کے گھر میں رہتا تھا
لیکن اب ذاتی گھر خریدوں گا اور اس میں رہائش اختیار کروں گا“- |