برفانی دور کی اَن دیکھی غاروں کی دریافت

مختلف مقامات کی دریافت کا شوق رکھنے والے کینیڈا سے تعلق رکھنے والے دو محققین نے برفانی دور کی غاروں کا وسیع سلسلہ دریافت کیا ہے جسے اب تک کی سب سے بڑی دریافت قرار دیا جارہا ہے- یہ غار مونٹریال کی ایک سڑک کے نیچے 30 فٹ گہرائی میں دریافت ہوئے ہیں-

یہ قدیم غاریں 15 ہزار سال پرانی ہیں اور انہیں دونوں محققین Daniel Caron اور Luc Le Blanc نے صرف ہتھوڑی اور ڈرل کی مدد سے دریافت کیا ہے- ان اوزاروں کے ذریعے ان محققین نے چونے پتھروں کی دیواروں میں جب سوراخ کر کے اندر کا مشاہدہ کیا تو انہیں وہاں قدیم غاروں کا وسیع سلسلہ دکھائی دیا-

اس وقت ان محققین کو 200 میٹر طویل ایک ایسی غار نظر آئی جس کی چوڑائی 3 میٹر تھی جبکہ اس کی چھت 20 فٹ اونچی تھی-

مزید تحقیق پر معلوم ہوا کہ غاروں میں ایک جھیل بھی موجود ہے جبکہ غاروں کے اس سلسلے میں کئی راستے انتہائی تنگ بھی ہیں- جھیل کے پانی کی بلندی غار کے بعض حصوں میں 15 فٹ تک بھی پہنچ جاتی ہے-