بریانی کبھی بھی کہیں بھی مل جائے سب ہی کھانا پسند کرتے ہیں کوئی اس کو کھانے سے منع نہیں کرتا کیونکہ یہ ہے ہی اتنی زبردست ڈش۔ جس کا صرف نام ہی کافی ہے بھوک خود بخود لگ جاتی ہے۔ بریانی گھر کی بنی ہوئی بھی مزے دار لگتی ہے لیکن جو مزہ بازار کی بنی بریانی میں ہے وہ کسی اور میں نہیں۔
آج آپ کی آسانی کے لئے ہم آپ کو بتا رہے ہیں مشہور شیف کی بتائی گئی ایسی ٹپ جس کو استعمال کرنے آپ گھر میں بھی بازار جیسی بریانی بنا سکتے ہیں وہ بھی اتنی آسانی سے۔۔
ترکیب:
• سب سے پہلے آپ ان اجزاء کو الگ کرلیں:
ہلدی، دھنیا، ہری مرچیں، پیاز، ٹماٹر، کالی مرچ، لونگ، بادیان کے پھول، دار چینی، زیرہ، کھیوڑہ، جائفل جاوتری، آلو، لیموں، گوشت، ثابت اور پسی ہوئی لال مرچ، ہرا دھنیا، تیز پات، آلو بخارا، ادرک، لہسن، نمک، زردے کا رنگ۔
• چاولوں کو بھگوئیں اور ابالنے رکھ دیں اس میں تھوڑا سا زیرہ اور تین تیز پات ڈال کر اچھی طرح ابال لیں۔
• اب آپ ٹماٹر، پیاز، لہسن اور ادرک کا پیسٹ بنا لیں۔
• ایک بھگونے میں آئل اور آدھا چمچ زیرہ ڈالیں اور اس کو گرم کرکے گوشت کو ہلکا سا بھون لیں۔
• بیس منٹ بعد جب گوشت ہلکا براؤن ہو جائے تو اس کو نکال کر الگ رکھ دیں اور اسی آئل میں کٹے ہوئے آلوؤں کو اچھی طرح گلا لیں۔
• پھر توے پر زیرہ، ہلدی، دھنیا، جائفل جاوتری پاوڈر، کالی مرچ، ثابت لال مرچ، لونگ، بادیان کے پھول اور آدھا کٹا ہوا ٹکڑا ادرک ڈال کر بیس منٹ تک ان کو بھون لیں۔
• اب اس کو ایک پیالے میں نکالیں اور اس میں صرف ایک قطرہ کھیوڑہ، آدھا چمچ زردے کا رنگ اور املی کا پیسٹ مکس کرلیں۔
• پھر ان تمام اجزاء کو بھگونے میں ڈالیں اور ادرک لہسن، ٹماٹر اور پیاز کا پیسٹ، گوشت، آلو، لیموں کا رس ڈال کر گوشت کو مصالحے میں بھون لیں تاکہ گریوی اچھی تیار ہو جائے۔
• پھر ایک بڑے بھگونے میں تھوڑا سا آئل ڈالیں اور چاولوں کی ایک تہہ ڈالیں پھر سالن ڈالیں اور کٹی ہوئی ہری مرچیں ڈالیں پھر چاولوں کی تہہ ڈالیں اور سالن ڈالیں پھر تھوڑے سے چاول اور کٹے ہوئے بارک ٹماٹر، تھوڑی سی ادرک، لیموں کٹے ہوئے ڈالیں اور دم لگا دیں۔
• لیجیئے تیار ہے آپ کی زبردست بازار جیسی سپیشل بریانی ۔ تو ان گھر میں ہی بنائیں اور ذائقہ سے مزہ اٹھائیں۔