دال تو آپ گھر میں بناتی ہی رہتی ہو گی ، لیکن اب بنائیں گھر بیٹھے ریسٹورنٹ اسٹائل دال جس کا ذائقہ بھی آپ کو پسند آئے گا اور طریقہ بھی نہایت آسان ہے تو آج ہی بنائیں اور سب کو آج ہی کھلائیں۔
• ایک کپ مونگ کی دال کو اچھی طرح تین سے چار کپ پانی میں بھگو لیں۔
• پتیلی میں تین کپ آئل ڈالیں، اس میں ایک کٹی ہوئی پیاز کو فرائی کریں اور ساتھ میں ایک چمچ ادرک لہسن کا پیسٹ، دو کٹے ہوئے ٹماٹر اور ہری مرچیں ڈال کر تین سے چار منٹ تک پکالیں۔
• اب اس میں بھیگی ہوئی مونگ کی دال، ایک کپ پانی ڈال کر اچھی طرح پانچ سے آٹھ منٹ تک پکالیں۔
• ہنڈیا میں جوش آنے لگے تو ڈھائی چمچ نمک اور کٹا ہوا آدھی گھنٹی ہرا دھنیا ڈال کر مزید پانچ منٹ تک چلائیں، ساتھ ہی پانی کا آدھا کپ بھی شامل کر کے اس کو تین سے چار منٹ کے لئے ڈھک دیں۔
• کچھ دیر بعد ڈھکن ہٹانے پر آپ کی دال تیار ہوجائے گی، اب اس کو کسی پیالے میں نکال لیں۔
• پین میں دو کپ آئل ڈال کر گرم کریں، اس میں ایک چمچ زیرہ، دو لہسن کے جوے اور ثابت لال مرچ ڈال کر دو سے تین منٹ پکائیں اور اس کو دال کے پیالے میں اوپر سے ڈال دیں۔
• لیجئیے گرما گرم ریسٹورنٹ اسٹائل مونگ تڑکہ دال تیار ہے۔ اس کو کٹی ہوئی پیاز، ٹماٹر، کھیرے اور لیموں کے ساتھ سرو کریں۔