سردیوں کے موسم میں اکثر گھروں میں مختلف میٹھے پکوان لازمی بنتے ہیں جس میں سب سے زیادہ گاجر کا حلوہ بنایا جاتا ہے۔ اور ان تمام پکوان کو بنانے کے بعد جب نظر برتنوں کی طرف پڑتی ہے تو دیکھ کر ڈر لگ جاتا ہے کیونکہ پتیلیوں کے پیندے جل کر کالے ہو جاتے ہیں اور کچھ پر تو اتنی زیادہ کائی آ جاتی ہے کہ وہ جم کر برتنوں میں چپک جاتی ہے اور رگڑ رگڑ کر ہاتھ تھک جاتے ہیں مگر وہ صاف نہیں ہوتی ہے۔
اگر آپ کے ساتھ بھی یہی مسئلہ ہوتا ہے تو اس آسان ٹپ کو استعمال کریں اور برتنوں کو رگڑے بغیر صاف ستھرا اور چمکدار بنائیں۔
ٹپ
*ایک کپ پانی کو گرم کریں اور ابال آنے پر اس میں ایک ٹکڑا پھٹکری کا ڈال کر جوش دے لیں.
* پھر اس میں دو چمچ میٹھا سوڈا، ایک چمچ سرکہ، دو چمچ لیموں کا رس اور آدھا چمچ برتن دھونے والا ڈیٹرجنٹ مکس کرلیں ۔
* اب اس پانی کو جلے ہوئے برتنوں پر لگائیں اور کپڑا پھیر دیں، آپ دیکھیں گی کہ رگڑنے کی ضرورت نہیں پڑے گی اور جمی ہوئی گندگی بھی آسانی سے صاف ہو جائے گی۔