CORONAVIRUS YA AZAB-e- ILAHI

(Sehrish Yazdan Malik, Staffordshire, United Kingdom)

Coronavirus Jissay Azaab-E-Ilaahi Kaha Jaye Ya Eak Waba Ka Naam Diya Jaye. Samj Nhi A Raha Issko Eak Virus Ka Naam Doun Ya Apnay Khuda Ki Narazgi Samjoun. Coronavirus Jiss Nay November 2019 Mein Chaina Kay Shehr Wohaan Mein Janam Liya Aur Dekhtay Hee Dekhtay Pori Duniya Ko Apni Lepaeet Mein Lay Liya Aur Eak Aalmi Waba Qarar Paya...

Duniya Ko Apni Lepaeet Mein Lenay Wala Yeh Virus Koi Phela Virus Nhi Hai. Iss Say Qabal Kaye Virus Waqfay Waqfay Say Atay Rahay Aur Tabahi Bharpa Hoti Rahi Magr Coronavirus Eak Aisa Virus Hai Jo Eak Say Dosray Insaan Mein Khufiya Tareeqay Say Muntaqil Ho Raha Hai. Tamam Mahereen Ka Kehna Hai Kay Yeh Virus( Chamagadar, Kuta , Billi, Aur Snaap) Khanay Ki Wajah Say Phela. Islam Mein Tou Muslims Ko Wazay Tor Pay Taqeed Kar Dee Gaye Hai Kay Halaal Aur Haraam Mein Farq Kiya Hai. Aur Jo Chezain Haraam Hain Woh Non Muslims Khatay Hain. Aur Yeh Sab Azal Say Chalta A Raha Hai Koi Naye Baat Nhi Hai Phir Corona Ka Wajood Phely Kyun Nhi Aya.. Kiya Yeh Khuda Ki Taraf Say Waqia Hee Koi Behja Howa Azab Hai Ya Koi Sochi Samji Sazish Bhi Ho Sakti Hai. Kay Jiskay Agay Science Bhi Baybas Hogaye...

Shahid Hum Insaan Yeh Baat Bhool Chokay Thy Kay Upar Walay Ki Science Aur Technology Say Bari Koi Technology Nhi. Hum Insaan Yeh Bhool Chokay Thy Kay Humara Paida Karnay Wala Hum Say Naraz Hogiya Hai Aur Uss Nay Apni Narazgi Ka Izhar Kiya Hai..

Kiya Woh Hum Say Iss Haad Tak Naraz Ho Choka Hai Kay Uss Nay Apnay Ghar Ka Darwaza Hee Band Kar Diya. Phir Bhi Shahid Der Nhi Howe Hai Hum Insanoun Ko Samj Jana Chaye Kay Humain Paida Karnay Wala Humara Rab Hum Say Naraz Hai. Woh Insaan Hee Hai Jo Insaan Ko Maaf Nhi Karta Magr Khuda Maaf Karnay Mein Der Nhi Karta Kyunkay Woh Ghafoor-O-Raheem Hai. Woh Apnay Bandoun Say Bayshumaar Pyar Karta Hai..

Agr Yeh Azaab Hai Tou Yeh Humaray Gunahoun Humaray Amloun Aur Humari Kutahiyoun Ka Mou Bolta Saboot Hai.

Yahan Mein Kashmir Kay Lockdown Ki Yaad Dehani Karwana Zarori Samjoungi.
KIYA UN NAHATAY KASHMIRIOUN KI AWAZ MEREY RAB TAK NHI POHANCHI HOGI 😢?
KIYA UN MAAN BEHNOUN KI IZAAT JAB SARAY BAZAR ROUNDI HOGI ZALIMOUN NAY TOU KIYA UNKI FARYAAD US RAB TAK NHI POHANCHI HOGI 😢?
KIYA WOH MAAYEEN NHI TARPE HONGI JINKAY JAWAN BETAY UNKI ANKHOUN KAY SAMNAY SHAHEED HOGAY 😢?

Kiya Insab Ki Chekhain Khuda Kay Qehar Ka Sabab Nhi? Kiya Naam Dain Hum Iss Virus Ko Kiya Yeh Mehaz Eak Virus Hee Hai? Kiya Waqia Hee Dil Aur Dimag Iss Baat Ko Tasleem Kartay Hain Kay Yeh Mehaz Eak Virus Hai....Mein Bhi Aur Aap Bhi Yahi Sochtay Hain Kay Yeh Khuda Ka Azaab Hai Beshk Koi Sarayaam Manay Na Manay Magr Hr Koi Andar Say Khoof Zada Zaroor Hai Kay Yeh Khuda Ka Qehar Hee Hai..

NOVEMBER 2019 Mein Jab Yeh Virus Chaina Aya Tou Wahan 30 Halaqtoun Kay Baad Muqamal Lockdoun Kar Diya Giya. Jiski Wajah Say Wahan Marnay Waloun Ki Tadaad Baki Mumalik Say Kam Bataye Gaye Hai.. America Iss Waqt Halaqtoun Ki Tadaad Mein Phely Number Pay Hai Aur England Dosray Number Pay A Choka Hai Yahan Marnay Waloun Ki Tadaad 40,000 Say Tajawaz Kar Choki Hai..

Italy , France , Paris , UAE, Turkey , India , Aur Pakistan Sameet 250 Say Zahid Mumalik Iss Holnak Virus Ki Zad Mein A Chokay Hain..

Kuch Mumalik Mein Muqamal Lockdown Rakh Kay Iss Waba Par Kafi Haad Tak Qaboo Paya Ja Choka Hai Magr Muqamal Tor Par Chuthkara Nhi Paya Ja Saka..

Pakistan Mein Bhi Ab Sorat-E-Haal Bohat Kaseeda Ho Choki Hai. Wahan 1 Lakh Say Zahid Cases Samnay A Chokay Hain Aur Marnay Waloun Ki Tadad 2000 Say Tajawaz Kar Choki Hai.. Kaye Namwar Hastiya Iss Corona Ki Zad Mein A Choki Hain...

Coronavirus Ki Filhaal Koi Vaccine Tiyar Nhi Howe Kuch Mumalik Ka Kehna Hai Kay Unho Nay Vaccine Ki Tiyari Pay Qaam Shoro Kiya Hai Aur Yeh September Tak Tiyar Ho Jaye Gi....Iss Bemari Ka Ta Haal Koi Ilaaj Nhi... Khud Ko Iss Corona Jaise Waba Say Mehfooz Rakhnay Kaliye Hafazti Tadabeer Par Amal Kiya Jaye..

Mask Ka Istamal Aur Garam Pani Ka Istamal Kiya Jaye Takay Iss Muhlik Maraz Say Bacha Ja Sakay..

Aur Khuda Say Apnay Gunahoun Ki Mafi Mangni Chaye Kyun Kay Hum Insan Gunahoun Ki Daldal Mein Phans Chokay Hain Woh Rab Hai Raheem Hai Woh Apnay Bandoun Ko Zaroor Maaf Karay Ga.. Yeh Tou Uss Rab Ki Taraf Say Eak Chota Sa Ishara Tha Kyunkay Hum Bhool Chokay Thy Kay Tamam Jahanoun Ka Paida Karnay Wala Sirf Wohi Rab Hai Aur Woh Akela Hai Uska Koi Shareeq Nhi. Aur Na Hee Uski Barabri Karnay Wala Koi Dosra Hai.

Khuda Hum Sabko Rahay Rast Pay Chalna Naseeb Farmaye Aur Emaan Ki Mout Naseeb Farmaye.....Ameen..

KIYA AJEEB BEMARI HAI
JISKA ILAAJ FAQAT DORI AUR TANHAI HAI....

 

Comments Print Article Print
 PREVIOUS
NEXT 
About the Author: Sehrish Yazdan Malik

Read More Articles by Sehrish Yazdan Malik: 7 Articles with 4786 views »
Currently, no details found about the author. If you are the author of this Article, Please update or create your Profile here >>
09 Jun, 2020 Views: 195

Comments

آپ کی رائے