یہاں ہوائی جہاز کو ہاسٹل بنا دیا جاتا ہے… سوئیڈن سے متعلق چند دلچسپ حقائق جو اسے باقی دنیا سے منفرد بناتے ہیں

سوئیڈن ایک ایسا ملک ہے جس کی آبادی تقریباً 11 ملین افراد پر مشتمل ہے اور یہ تعداد نیویارک سے صرف 2 ملین زیادہ ہے- لیکن اس ملک میں حیرتوں کا اتنا سامان موجود ہے جتنا کہ کسی دوسرے بڑے آبادی والے ملک میں ہوسکتا ہے یا پھر ان سے بھی زیادہ حیرت یہاں کی چیزوں کو دیکھ کر ہوگی آپ کو-

کباب پیزا

جی ہاں کباب پیزا سوئیڈن کی سب سے مقبول ڈش ہے- اس پیزا پر گوشت سے تیار کردہ کباب کے ٹکروں کی ٹاپنگ کی جاتی ہے- سوئیڈن کے شہری پیزا کے اس حد تک شوقین ہیں کہ ایک سروے کے مطابق نئے سال کی آمد کے موقع پر پیزا کی فروخت ڈبل ہوجاتی ہے-

بوئنگ 747

سوئیڈن کے Arlanda ائیرپورٹ پر ایک بوئنگ 747 جہاز کو ہاسٹل میں تبدیل کر دیا گیا تاکہ لوگ اس بظاہر اس ناکارہ جہاز سے بھی فائدہ اٹھاتے ہوئے اس میں رہائش اختیار کر سکیں-

خون کا عطیہ

سوئیڈن میں جب کسی مریض کو خون لگایا جاتا ہے تو باقاعدہ اس کی اطلاع کا پیغام اس شخص کو بھی وصول ہوتا ہے جس نے وہ خود عطیہ کیا ہوتا ہے- یہ موبائل پر موصول ہونے والا ایک ٹیکسٹ میسج ہوتا ہے-

اسٹارلر پارکنگ

آپ نے آج تک موٹر سائیکل اور گاڑی کی پارکنگ کے بارے میں سنا ہوگا- لیکن سوئیڈن میں بچوں کے اسٹارلر پارک کرنے کے لیے بھی باقاعدہ مقامات مختص کیے گئے ہیں-

سوئیڈن کے طیارے

عام طور پر دیکھا گیا ہے کہ شہر کی سڑکیں اور پارک کسی نہ کسی مشہور شخصیت کے نام سے منسوب کیے جاتے ہیں جو ان کی یاد دلاتے رہتے ہیں- لیکن سوئیڈن میں ہوائی جہازوں کو ہیروز کے نام سے منسوب کیا جاتا ہے-

اسٹاک ہوم

اسٹاک ہوم سوئیڈن کا سب سے بڑا شہر اور دارالحکومت ہے- اس شہر میں ایسے مقامات پر جہاں تعمیراتی کام جاری ہو وہاں رکاوٹوں کے ساتھ ہی ایک ایسی جگہ بھی موجود ہوتی ہے جہاں سے بچے اور بالغ افراد اس جگہ کا مشاہدہ کرسکتے ہیں اور ایسا ہی مقام دریاؤں کے پاس بھی موجود ہوتا ہے-

شطرنج

سوئیڈن کے پارک میں ٹیبل پر شطرنج کا ڈیزائن یقیناً یہاں آنے والوں کے لیے تفریح کا باعث ہوتا ہے- ایسے ڈیزائن ایسے افراد کے لیے بہترین ثابت ہوسکتے ہیں جو پارک میں آکر سکون سے بیٹھنے کے خواہشمند ہوتے ہیں-