سڑکوں اور فٹ پاتھوں پر رات گزرتی تھی، بھارتی اداکار جن کے گھر آج مہنگے ترین علاقوں میں ہیں ہمیشہ اتنے امیر نہ تھے

شوبز کی دنیا کی جہاں چمک دمک اور شہرت انسان کو اپنی طرف کھینچتی ہے اس کے ساتھ ساتھ اس شعبے میں ملنے والی دولت بھی انسان کو راتوں رات فقیر سے رئيس بنا دیتی ہے- یہی وجہ ہے کہ اس عزت، دولت اور شہرت کو دیکھ کر اس شعبے میں آنے کے خواہشمند بڑی سے بڑی تکلیف اچھے دنوں کی امید پر گزار لیتے ہیں- آج ہم آپ کو ایسے ہی کچھ بالی وڈ کے مشہور اداکاروں کے بارے میں بتائیں گے جو کہ آج بہت کامیاب اور مہنگے ترین علاقوں میں رہائش پزیر ہیں مگر اس کامیابی سے قبل انہوں نے کئی راتیں فٹ پاتھ پر اور کئی دن بھوکے رہ کر بھی گزارے ہیں- ایسے ہی کچھ لوگوں کے بارے میں ہم آپ کو آج بتائیں گے-

متھن چکرورتی

مشہور اداکار متھن چکر ورتی جو اس وقت بھارتی سیاست کی بھی ایک اہم شخصیت ہیں، دولت ان کے گھر کی باندی ہے اپنی 71 سالگرہ کے موقع پر اپنے ابتدائی دنوں کے حوالے سے ان کا کہنا تھا کہ ان کی کوشش ہوتی ہے کہ وہ اپنی جدوجہد کے دنوں کے تکالیف لوگوں کو نہ بتائيں کیوں کہ اس سے نئے آنے والوں میں مایوسی پھیل سکتی ہے- اپنے ابتدائی دنوں کے حوالے سے ان کا کہنا تھا کہ ویسے تو سب ہی کامیابی کے لیے محنت کرتے ہیں مگر میری جدوجہد اس حوالے سے زيادہ ہے کہ میرے بارے میں آپ لوگ سمجھ لیں کہ میں آیا ہی فٹ پاتھ سے ہوں- بمبئی آنے کے بعد ہفتوں تک گرین گارڈن میں موجود ایک بنچ پر رات گزارتے یا پھر کسی ہوسٹل کے سامنے فٹ پاتھ پر سو جاتے صبح ایک جیم خانہ کے ٹوائلٹ سے فارغ ہو کر نکل پڑتے- ان کا کہنا تھا کہ ان کو نہ تو کھانے کی کوئی امید ہوتی تھی اور نہ ہی کسی کام کی مگر انہوں نے ہمت نہ ہاری- یہاں تک کہ 1976 میں ان کو ایک آرٹ فلم میں کام ملا جس میں انہوں نے نیشنل ایوارڈ جیتا اور جس کے بعد انہوں نے مڑ کر نہ دیکھا-

جیکی شیروف

جیکی شیروف کا شمار بمبئی فلم انڈسٹری کے خوش لباس ترین اداکاروں میں ہوتا ہے مگر اپنے ابتدائی دنوں کے حوالے سے ان کا کہنا تھا کہ وہ چھ سال تک آڈیشن کے لیے بمبئی آتے رہے اور ناکام ہوتے رہے۔ ان کا یہ سفر عام پبلک ٹرانسپورٹ سے ہوتا تھا اور کسی رہائش کی جگہ نہ ہونے پر وہ جہاں جگہ ملتی پاؤں پسار لیتے- ان کا یہ بھی کہنا تھا کہ انہوں نے اپنی زندگی کے یہ چھ سال بمبئی کے کچے اور خراب ترین علاقوں میں پیسے نہ ہونے کے سبب راتیں گزاریں- آج وہ ایک بڑے بنک بیلنس اور بڑے گھر کے مالک ہیں جو بمبئی میں ان کی شناخت ہے-

امیتابھ بچن

امیتابھ بچن جو کہ اس وقت بھارتی فلم انڈسٹری کے لیے ایک آئکن کے طور ر جانے جاتے ہیں اپنے ابتدائی دور میں اپنے بہت لمبے قد کے سبب بطور ہیرو قبول نہ تھے- مگر ان کی انتھک محنت اور جدوجہد نے ان کو یہ کامیابی دلائی- اپنے ابتدائی دنوں کے حوالے سے ان کا کہنا تھا کہ انہوں نے کئی راتیں بمبئی میں میرین ڈرائيو ویو کے بنچ پر گزاری اور دن ہوتے ہی دوبارہ سے کچھ بننے کی جستججو میں نکل پڑتے تھے-

شاہ رخ خان

بمبئی کے جس علاقے میں اس وقت شاہ رخ خان کا گھر موجود ہے اس کے بارے میں کہا جاتا ہے کہ امیر سے امیر انسان بھی یہاں گھر بنانے سے پہلے کئی بار سوچتا ہے- مگر شاہ رخ خان نے اس علاقے میں گھر بنایا- مگر ان کے حوالے سے کم لوگ ہی یہ جانتے ہیں کہ اپنے جدوجہد کے ابتدائی دنوں میں اسی بمبئی میں مالک مکان نے دو بار گھر سے کرایہ ادا نہ کرنے پر نکال دیا تھا جس کی وجہ سے انہیں اپنی راتیں فٹ پاتھ پر گزارنی پڑی تھیں-

رجنی کانت

تامل فلموں کے مشہور ترین ادکار رجنی کانت جن کا شمار مہنگے ترین اداکاروں میں بھی ہوتا ہے ان کے بارے میں کہا جاتا ہے کہ وہ بنگلور میں بطور بس کنڈیکٹر کام کرتے تھے- فلموں میں کام کرنے کا شوق جب ان کو بمبئی لے کر آیا تو ایک طویل وقت تک ان کے پاس سر چھپانے کو جگہ نہ ہوتی تھی تو ایسے وقت میں وہ فٹ پاتھ پر اپنی رات گزارتے اور صبح ہوتے ہی دوبارہ سے آڈيشن دینے کے لیے نکل پڑتے یہاں تک کہ ان کو فلموں میں کام ملنا شروع ہو گیا اور ان کا انداز مقبول ہو گیا کہ ان کا نام ہی فلموں میں کامیابی کی ضمانت سمجھا جانے لگا-