Misbah Bhi Hero Hai

Kuch Arsay Se Soch Raha Tha K Kuch Such Likhun Per Himmat Nahi Huwi Aaj Socha K Chalo Hamari Qaum K Saamne Kuch Such Rakh He Dun. Hum Ba Haisiyat Ek Qaum Bohat He Ahsaan Faramosh Or Khud Garz Qaum Hain, Humne Aaj Tak Kisi Sahi Aadmi Ko Credit Nahi Dia Yahi Wajah Hai K Hamare Mulk K Artists India Jaa Kar Famous Hote Hain Na K Pakistan Main Reh Kar Q K Hum Apne Heroes Ki Qadar Nahi Karte Balke Un Ka Mazzak Banate Hain.

Kaafi Arsay Se Cricket Pe Gehri Nazar Rakhta Aaraha Hon Or Cricket Ki Bareekbeeni Or Pechidgiyan Seniors Cricketer Se Sun Kar Samajhta Aaraha Hon. Socha Aaj Ek Or Hero Se Taaruf Karata Chalun Qaum Ko G Haan Main Misbah Ul Haq Pakistan Cricket Team K Captain Ki Baat Kar Raha Hon Jin Ko Aap Log Tuk Tuk, Khassi Or Pata Nahi Kia Kia Kehte Ho Or Is K Naam Se Naa Jaane Kia Kia Funny Sms Chelate Ho, Aaiye Misbah K Saath Ki Gai Ziaddatiyon Ka B Kuch Aitraaf Karlen Hum, Bila Shubaa Imran Khan K Baad Sab Se Ziaada Kamyabi Misbah Ul Haq K Captainship Main Pakistan Ki Jholi Main I G Han Yeh Baray Wasookh Se Keh Raha Hon Jis Main Asia Cup, England Ko Test Series Main White Wash Karna Or India Main He India Ko Series Haarana Numaaya Kamyabi Hain Lekin Kia Kabhi Humne In Kamyabion Ka Aitraaf Kia?? Kia Kabhi Humne Is Ka Credit Misbah Ko Dia Nahi To Phir Humay Koi Haq Nahi K Haar Ka Credit Bhi Misbah Ul Haq Ki Jholi Main Daal Den.

Kia Aap Ko Misbah Ul Haq Ki Average Pata Hai Nahi To Main Batata Hon 41.96 One Day International Main Itni Average Ek Ache Batsman Ki Hoti Hai Or Pakistan Main Aisa Koi Player Nahi Siwaye Nasir Jamshed K Jis Ki Itni Average Ho Nasir Ki 47.14 Hai Or Is Ki Kharab Karkardagi Ki Wajah Se Girti Aarahi Hai Albata Misbah Ki Strike Rate 74 Zaroor Hai Lekin Agar Aap Cricket Ko Samajhte Hain To Aap Yeh Behtar Jante Honge Jis Jagah Pe Misbah Aata Hai Wuhan Yeh Strike Rate Kaafi Hai Q K Us Waqt Wicket Pe Khare Rehne Ki Zaroorat Hai Middle Order Ka Kaam Yahi Hota Hai Kia Humne Kabhi Is Ko Is Cheez Ka Credit Dia?? Ab Aajayen Zara Aap K Hero Boom Boom Per Us Ki Average Odi Main 23.38 Hai Or Woh Aapka Hero Hai Q??? Kia Yeh Average Ek Ache Player Ki Hoti Hai?? Last 10 Match Aap Afridi K Uthayen 75 Runs Or Sirf 4 Wickets G Haan Sirf 4 Wickets Last Match Ko Hata Kar, Itni Kharab Karkardagi K Bawajood B Afridi Aapka Hero Hai To Misbah Q Nahi??? Ab Faisla Aapki Adaalat Main Agar Aap Facts And Figures Dekh K B Na Kahen K G Haan “Misbah B Hamara Hero Hai” To Phir Yeh Ziaddati Hogi Bohat Bari Ziaddati.

Note: Afridi Ka Record Mention Karne Ka Maqsad Sirf Haqeeqat Dikhana Tha Is Ka Maqsad Is Ko Neecha Dikhana Nahi Afridi Hamara Hero Hai Is Liye Column Ka Naam Misbah B Hero Hai Rakha Hai, Mera Har Woh Player Hero Hai Jo Mulk Or Qaum Ki Izzat Or Waqar K Liye Khelta Hai.