First Aid

(Muhammad Ismail Shah, dik)

Eid K Teesry Din Hamary Gaao (Village) Main 6,7 Saal Ki Umar K Bachay Ko Current Laga, Gaaon K Tamam Log Usky Ird-Gird Jama Ho Gae, Bacha Abi Zinda Thaa, Sab Ne Apney Apney Mashwaron Se Nawazna Shuru Kr Diya, Mashwaron K Mutabiq Bachay Ko Aik Gandi Naali Main Daal Diya Gaya Taakey Current Usky Jism Se Nikal Jae, Pani Ki Waja Se Chunky Conduction Mazeed Strong Ho Jati Hai Isliye Bachay Ki Haalat Mazeed Kharab Ho Gai, Main Ne Kahin Pe Suna Thaa K Agar Current Lagay Shakhs Ko Matti Main Dhansaa Diya Jae Ya Matti Main Ragarh Diya Jae Tou Current Khatam Ho Jata Hai, Kuch Aur Log Bi Pehle Se Ye Mashwara Dey Rahey Thay Lkn Rush Itna Thaa K Aik Doosry Ki Baaten Sunaai Ni Dey Rhi Thi, Naali K Tajarbey K Baad Usy Saaf Pani Se Nehla Kar Aik Ground Main Le Aae Jahan Par Khaddaaa(Ghaar) Khodaaa Gaya Aur Pani Mila Matti Main Usy Aadhaaa Dhansaa Diya, Kuch Farq Iss Sey Bi Na Parraa Tou Kisi Ne Mashwara Diya K Dekho Bhai Motorcar Tayar Khari Hai,Hospital Bi 5,10 Mint K Faasly Par Hai,Mazeed Waqt Zaya Kiye Binaa Bachay Ko Foran Hospital Ponchao, Abb Bachy Ko Uss Khadday Se Nikal Kr Car Me Lejaya Gaya Lkn Aadhay Ghanty Baad Wapis Le Aakar Gao Main Elan Kr Diya Gaya K Bacha Fott Ho Gaya Hai Aur Falaan Waqt Pe Janaza Ho Ga, Bachay Ko Jab Gandi Naali Main Daala Gaya Thaa Tou Usi Waqt Logon Ko Shak Ho Gaya Thaa K Bacha Fott Ho Gaya Hai Q K Usney Aik Lambi Saans Bhari Aur Usky Baad Phir Koi Harqat Zahir Na Hui Lkn Bachy K Waliden K Darr Se Kisi Ne Bolney Ki Jurat Ni Ki, Iss Qisam K Waqiyat Mulk Bharr Main Laa-Shaoori Ki Bina Par Rozana K Hisab Sey Ronumaa Hotey Hain, Usdin Mujey Apna Aap Bht Be-Bas Dikhai Diya, Main Sochney Laga K Is Main Qasoor Kis Ka Hai, Sab Se Pehley Mujey Electrical,Medical,Media,Govt.Aur Phir Apna Aap Aur Baqi Log Qasoorwaar Dikhai Diye, Hamary Muashry Main Wo Ijtimaai Shaoor Ni Hai K Hum First Aid Ko Jaan Saken,Kisi Tarapty Jism Ko Taskeen Dey Saken,Karaahty Hue Badan Ko Aaram Muhayya Kr Sken,Hum Kbi Ye Krna B Ni Chahty,Q K Hamari Tarjeehaat Kuch Aur Hain.

Aap Europe,America,Aur Japan Chaley Jaen,Wahan Bachay Bachay Ko Maloom Hai K Aesi Haalat Main Kya Krna Parhta Hai,Unky Gharon Main Iss Qisam K Hangami Halaat Sey Nimatney K Lye Pehley Se Precaution Mojood Hoti Hain,Unko Basics Aur First Aid Kaa Pura Pura Ilm Hota Hai Q K Wo Dunyawi Ilm K Aetebar Se Ba-Shaoor Hain, Hamara M.A English Aik Letter Tak Ni Likh Sakta,M.S.C Chemistry,Physics Etc Ko Equipment K Naam Tak Ni Aatey,Hamaray PHD Scholors Aik Sui Tak Aejad Ni Kr Paae,Q? Q K Kbi Hamary Text Books Main Wo Cheez Rakhi Hi Ni Gai Jo Waqt Ki Zaroorat Hai,Jo Practical Dunya Se Taluq Rakhi Hai,Jo Insaniyat K Kaam Aaney K Qabil Banaa Skey,Blky Hamary Text Books Main Apko Hamesha Abstract Aur Khayali Cheezen Milen Gi Ya Phir Bakwas Aur Behooda Ya Tark Shudaa Cheezain Hi Parhney Ko Milen Gi,Main Puchta Hu Ap 1st Year Ki Eng Ki Kitab Utha Kr Dekhain Usmain Jo Asbaaq Ki Fehrist Hai Dekh Kr Hi Sharam Aajae Gi K Kitney Ghatya Aur Be-Kaar Asbaaq Ko Shamil Kiya Gaya Hai,Usmain Kutta,Machli,Haar,Jootey,Aur Kuch Mazeed Bekaar Cheezain Shamil Hain,Aesay Main Kya Koi Qom Bashaoor Banny Ka Ya Kuch Seekhney Ka Soch Skti Hai Jis K Text Books Banany Walon Ko Dunya K Aur Topics Kam Parh Gaye Hon?

Baat Ye Hai K Jaan Boojh Kr Aesa Kiya Jata Hai,Hamary Moroosi Politician Ni Chahty K Iss Qom Main Jaan Peda Ho,Wo Hamain Khud Hi Dabana Chahty Hain,

Media K Be-Shumar Channels Hain Lkn Kbi Aap Ko Aesa Channel Ni Miley Ga Jo Apko Practical Knowledge Se Nawazay,Har Taraf Filmain,Ganay,Siyasat,Aur Choti Choti Baaton Ko Hawa Dena Hi Nazar Aae Ga,Ap Ko Koi Channel Ni Batae Ga K Agar Insan Ko Current Lag Jae Tou Ap Ko Uskey Bachaao K Liye Kya Krna Hai,Ya Agar Kisi Bandy Ka Blood Pressure Low Ya High Ho Jae Tou Apko Konsi First Aid Istimal Krni Hai,Wagera Wagera,Kya Ap Janty Hain Aesa Q Hai?Aesa Islye Hai K Wo Hamain Aik Nakaam Qom Banana Chahten Hain,Wo Ni Chahty Hamari Tarjeehaat Badlain,Hum Serious Hon Ya Faiday K Kaam Sochain.

Govt Ne B Kabi Ye Koshish Ni Ki K Kbi Apni Qom Ko Apney Paaoon Par Kharaa Arain,Hamesha Pasmandgi Hi Main Rakha,Lkn Inko Muntakhab B Tou Ham Hi Krte Hain Na,Istarha Se Indirectly Ungli Phir Se Hum Par Hi Uthey Gi,Ye Govt Ka Kaam Hai K Wo Is Qisam K Waqiyat Ki Rok Thaam K Lye Shaoori Muhim Chalay Khwa Sarkari Tv K Zariye Ho,Schools,Colleges Aur Universities K Zariye Ho Ya Kisi B Tareeqay Se Ho,

Aakhri Baat Jiss K Lye Main Ne Ye Sab Likha Hai Wo Ye Hai K Jab Tak Mutaliqa Idaraa Apney Kaam Ko Sahi Tarha Se Anjaam Ni Dey Ga Tab Tak Hum Issiii Daldal Main Phansain Rhen Gai Aur Infiradi-O-Ijtimai Torr Par Jab Tak Ham Apney Faraaiz Ko Pehchanaey Ge Ni,Tab Tak Issi Aag Main Jalna Parrey Ga,Agar Electric Section Ishtiharaat K Zariye Ghar Ghar Aur Mohaley Mohaley Main Precautions Sikha Dain Tou Aesy Waqiyat Dobara Ronuma Na Hon,Issi Tarha Jo Electrician Ya Electrical Engeneer Ya Koi B Shakhs Jo Bijli Ki Samajh Rakhta Ho Agar Precautions Share Krna Shuru Kr Dega Tou Umeed Hai Aesey Masaail Par Qaboo Paya Ja Skta Hai.

Ye Meri Taraf Se Shaoori Muhim Chalanay Ka Aik Chota Sa Hissa Hai,Thnx For Reading.
 

Rate it:
Share Comments Post Comments
Total Views: 477 Print Article Print
 PREVIOUS
NEXT 
About the Author: Muhammad Ismail Shah

Read More Articles by Muhammad Ismail Shah: 2 Articles with 765 views »
Currently, no details found about the author. If you are the author of this Article, Please update or create your Profile here >>

Comments

آپ کی رائے
Language: