House Wifes Bahtereen Khawateen Hoti Hain

Kehtay Hain K Kisi Kamyyab Admi K Pechay Ik Uorat Ka Hath Hota Ha Cahay Wo Uorat Maa Ho Behan Ho Bv Ya Beti. Uorat Cahay Khatoon Khana Hon Ya Working Lady Dono Hi Sourton Me Khawateen Ka Kirdar Buhat Aham Raha Ha Muger Working Lady Un Khawateen Ko Kaha Jata Ha Jo Ghar Se Bahir Kisi Idaray Me Job Kerti Hain Ya Koi Karobar Sambhalti Hain Yani Ghar Ko Pesay Se Sapport Kerti Hain Muger Wo Khawateen Jo Apnay Ghar Ma Kam Kerti Hain Unhain Sirf Khatoon E Khana Ya Housewife Kaha Jata Ha To Kya Khatoon E Khana Ghar K Kam Nahi Kertin? Or Kertin Hain To Un Ko Is Bat K Liya Saraha Q Nahi Jata Mana K House Wives Ghar Ko Rupay Pesay Se Support Nahi Kertin Muger Us Se Badra Kam Kerti Hain Is Me Koi Shak Nahin K Khawateen Ki Quwqte Brdast Buhat Zada Hoti Ha Wo Zaheen, Samajhdar Or Bahader Hoti Hain Yahan Tak K Koi Jang Bhi Larh Sakti Hain Tareekh K Safon Me Razya Sultana Or Jhancy Ki Rani Jesi Bahader Ourton K Karnamay Nzer Se Guzartay Hain To Ajj Ki Ourat Bhi Chand Tak Ja Pohanchi Ha Naey Zamanay Me Khawateen Ki Souch Bhi Badal Gai Ha Kuch Khwateen Majboran Mahangai Ki Wajah Se Job Kerti Hain Wo To Chalain Un Ki Majboori Ha Muger Jo Khawateen Soukhqya Job Kerti Hain Kya Un Ko Job Kerni Cahiya Ya Nahi Or Un K Is Shouq Ki Asal Wajah Kahin Muashray Me Apna Maqam Banana Ha To Kahin Apni Taleem Or Hunar Ko Dunya K Samnay Sabit Kerna Sawal Ye Ha K Ager Khwateen Apni Salahiyaton Ko Bahir Noukri Kernay Me Laga Dain Gi To Un K Ghar Ko Kon Dekhay Ga.

Media Is Muamlay Me Buhat Kirdar Adda Ker Sakta Ha K Wo Housewives Ki Ahemyat Ko Ujager Keray Jab K Isi Media Nay Baho Or Saas Ke Reshtay Dikha Dikha K Housewives K Image Ko Tabah Ker K Rakh Diya Ha Gharalo Khwateen Ko Koi Positive Image Nahi Dikhaya Jata Wo Sirf Larhnay Ka Kam Kerti Hain Or Mulk K 80% Abadi Taleemiyafta Na Honay K Sabab Usay Hi Sach Mannnay Lagi Ha .

Buhat Se Mard Housewives Ko Degrade Kertay Hain Or Kahtay Hain K Khawateen Ko Sirf Ghar K Kam Hi Kernay Cahiya Or Wo Bahir Job Nahi Ker Saktain Yaqeenan Khwateen Ko Hi Ghar Sambhalna Cahiya Meger Pori Izat K Sath Housewives Ko Ye Azaaz Milna Hi Cahiya K Wo Buhat Khobsorti K Sath Itnay Saray Kam Beykwaqt 24 Ghantay Kerti Hain Koi Choti Nahi Hoti Din Rat Her Waqt Moujood Rahti Hain Kam Karnay K Liya Maslan Bv, Maa, Baho, Bawechi, Nokerani,Home Manager, Budget Manager, Driver ,Jab Ghar Ka Koi Fard Bemar Ho Khas Ker Bachay To Nurse, Ayya, Security Officer ,Ik Counselor K Tor Pe, Apnay Bachon Ki Teacher, Ghar Ki Interior Decorator Maali Is K Illawa Tamam Rishtedaron Or Milnay Wallo Ki Khushi Or Dukh Me Shamil Hona Bunyadi Tour Pe House Wives K Teen Kam Samjhay Jaty Hain Husband Or In Laws Ka Khayyal, Bachon Ki Tarbiyat Or Ghar Ki Dekh Bhal.

Dosri Taraf Working Ladies Hain Buhat Se Khawateen Noukery Karnay Ko Fouqyat Denay Lagi Hain Jis Ki Wajah Se Baaz Waqt Unhain Tanqeed Ka Nishana Bhi Banna Parta Ha Lekin Kabhi Kabhi Un Ki Salahitayon Ki Hosla Afzai Bhi Hoti Ha Jis Se Un Ko Zahni Taqweyyat Milti Ha K Un Ki Salahiyyaton Ko Saraha Gaya Ha To Q Na House Wifes Ki Salahiyyaton Ko Sarah Ker Un K Is Bymisal Kam Se Mazeed Istifada Hasil Kiya Jaye Q K Is Me Bhi Koi Shak Nahi K Wo Time Ko Manage Kertay Hwe Buhat Accha Kam Kerti Or Baaz Waqt To Mardon Ko Bhi Maat De Deti Hain Or Na Sirf Ye K Apnay Her Kam Ko Berpor Zimadari Se Adda Kernay Ki Salahiyat Rakhti Hain Balkay Mukhtalif Nouyat K Kam Ik Sath Bhi Ker Sakti Hain Wo Behter Tareeqay Se Guftugo K Zarye Apni Bat Dusron Tak Pohanch Sakti Hain Working Ladies Buhat Accha Kam Ker Rahi Hain Or Me Is Bat Ki Mukhalfat Bhi Nahi Kerti Muger Un K Is Tarha Kam Kernay Se Un Ka Ghar Or Ghar Walle Mutasir Hotay Hain.

Wo Khawateen In Kamon K Liya Nouker Rakh Lati Hain Lakin Kya Ik Noukerani Jo Talimeyafta Nahi Ha Wo In Tamam, Kamoun Ko Kernay Ki Usi Tarha Se Salahiyat Rakhti Hay Jesey K Wo Kud Ker Sakti Hain Souher, Bachay Or Ghar Ki Dekh Bhal Or Wo Saray Kam Wo Kud Ker Sakti Hain Ghar Balkay Un K Apnay Bachon Pe Buhat Buray Asrat Muratub Hotay Hain Is Bat Ka Undaza Yahan Se Lagain K Koi Bhi Noukerani Yaqqean Us Hud Tak Taleemiyafta Nahi Hogi K Wo Ap K Bachon Ko Kuch Accha Sikha Sakay Or Dosri Bat Ye K Noukery Se Wapis Anay K Bad Ap Thak K Us Tarhan Se Bachon Ko Time Nahin De Saktin Jasay Un Ka Haq Ha Ik Khatoon Apni Hermumkin Koshish K Bawajood Kisi Murd Se Jismani Taqat Me Zada Nahi Ho Sakti Yahi Wajah Ha K Job K Bad Ghar Or Bachay Or Sab Zimadaryan Ehsun Tareeqay Se Nibhana Buhat Mushkil Ho Sakta Ha Buhat Se Gharon Me In Wajuhat Ki Bina Pe Buhat Parishaniyyan Rehti Hain Or Yahi Gharalo Parishanyyan Buhat Se Masailaat Ko Janum Deti Hain Jo Bila Shuba Muashray Ko Nuqsan Pohancahnay Ka Sabab Banta Ha.

Ye Bat Mushahiday Me Aye Ha K Jo Khawateen Job Kerti Hain Wo Bachon Ko Zada Waqt Na Denay K Bais Accha Insane Or Apnay Mazhab Se Waqfiyat K Sath Accha Sahri Bhi Nahi Bana Patin Jab K Gharalo Khaton Sari Tawajoh Bachon Pe Markooz Karti Hain Or Unhain Behter Insane Bannay Me Madad Kerti Hain Jab K Islam Me Bhi Yahi Bat Bayyan Ki Gai Ha K Bachay Ki Pehli Dars Gah Maa Ki Goud Ha Ager Hum Zara Se Dehan Dain To Is Bat Ko Samajh Saktay Hain K House Wives Ka Is Muashray Ko Bananay Me Kitna Bara Kirdar Ha Q K Job Kernay Wali Maa Apnay Bachay Ki Her Sergarmi Pe Nazar Nahi Rakh Sakti Jab K House Wives Apnay Bachay K Her Amal Se Waqif Honay K Sath Sath Unhain Sahi Or Ghalat Ki Pehchan Bhi Karwasakti Hain.

Main Un Tamam House Wives Ko Salam Peash Kerti Hm Jo Ik Makan Ko Ghar Banati Hain Asa Ghar Jahan Hasi Khilkillati Ha Or Muskurahatain Her Konay Se Roshni Ki Tarha Bekher Jati Hain Or Salam Ha Us Uorat Ko Jo Her Dukh Or Khushi Me Her Tahan K Mushkil Me Apnay Shuher Ka Sath Deti Ha Or Salam Ha Us Ourat Ko Jo Ik Maa Ha Apna Wajood Me Ik Jan Ko Palti Ha Or Usay Her Tarhan Sambhalti Ha Khud Cahay Jo Bhi Dard Utha Lay Muger Apnay Bachon Pe Anch Nahi Anay Deti Kitni Hi Parhi Likhi Hotay Hwe Apnay Career Ki Pawra Kiya Bina Sirf Is Bat Pe Tawajoh Rakhti Ha K Us K Bachon Ka Mustaqbil Accha Ho Un Ki Tarbiyyat Acchi Ho Wo Sahi Or Ghalat Ka Fesla Kernay Ki Salahiyat Rakhtay Hon Bachon Ki Tarbiyyat Ik Buhat Badhi Zimadari Ha Jisay Nibhati Hain Ye Samaj Lain K House Wives Asa Insane Hoti Hain Jo Bhaghair Kisi Choti K Bhager Kisi Dimand K Kam Kerti Hain Or Inam Me Apnay Ghar Or Gharlalon Ki Kushi Cahti Hain
Souher K Liya Ghar K Mahoul Ko Soukoon Bahksh Banati Hain K Jis Ki Wajah Se Admi Zehni Sakoon K Sath Apnay Dafteri Umoor Ko Bakhobi Ser Anjam De Saktay Hain Ab Hamain Kholay Dil Se Souchna Hoga Or House Wives Ke Is Kabel E Tehseen Kam Ko Sarahna Hoga Admi Jab Kam Se Ghar Wapis Ain To Persakoon Mahoul Me Zahni Tour Pe Hasasah Basash Mehsoos Kerta Ha Or Isi Dimagh K Sath Sahi Or Acchay Feslay Ho Saktay Hain Buhat Se Kamyab Admiyao Ki Beviyan Hi Un Ki Kamyabi Ka Bais Hain ,Jo Unhain Zahni Sakoon Or Kalbi Itminan Deti Hain Jis K Sabab Wo Apni Behtareen Salahiyatain Pori Zimadari K Sath Baroakar Late Hwe Kamyabi Ki Manazil Tay Kertay Hain Or Koi Bhi Fesla Lainay K Liya Ye Zaroori Ha K Fesla Lenay Walay K Karebi Log Pursakoon Or Mutmain Hon Or Her Tarha K Gharalo Masail Se Azad Hon Asay Log Na Sirf Apnay Ghar K Balkay Mulk K Liya Bhi Sarmaya Hotay Hain Jo Apna Pora Dehan Laga K Apnay Daftari Umour Pe Tawajh Detay Hain Yahan Bhi Ye Bat Zaroor Kahon Gi K Is Me Bhi House Wifes Ka Buhat Bara Hisa Ha Or Quran E Pak Ki Roshni K Mutabik Mard Ko Kamanay Or Uorat Ko Ghar Dari K Liya Hi Banaya Gaya Ha .

Ager House Wives K Pass Buhat Acchi Taleem Ho To Wo Ba Asani Bachay , Ghar Saas Susar Or Pory Family Ka Buhat Accha Khayal Rakh Sakti Hain Is K Illawa Gharalo Kammo Ko Bhi Sir Anjam De Sakti Hain Wo Buhat Tareeqay Se Ghar Kay Ikhrajat Ko Qabu Me Rakhtin Hain Or Us Me Se Kuch Bachat Bhi Ker Leti Hain Wo Buhat Acchay Tareeqay Se Kisi Bhi Parishani Or Mushkil Ko Bardasht Ker Leti Hain Or Apnay Ghusay Ko Qabu Me Rakh K Halat Ko Berdast Kerteti Hain Or Kisi Bhi Muamlay Me Dalail K Sath Guftagu Kerti Hain .

Zaroori Nahi K Taleem Job K Liya Hi Hasil Ki Jaye House Wives Apnay Bachon Ki Alla Terbiyat K Zarya Ye Sabit Ker Sakti Hain K Wo Kisi Working Lady Se Kam Nahi Yaqqenan Working Lady Bhi Apnay Bachon Ki Tarbiyat Or Taleem K Liya Fiqar Mand Rehti Hain Or Apna Behtereen Waqt Bachon Ko Deti Hain Muger Phir Bhi House Wives Se Kam Waqt De Pati Hain House Wives Ki Pehly Ahemyat Bachay Or Ghar Hota Ha Jab K Noukery Pasha Khawateen Ko Pehlay Apni Job K Kam Kerna Hotay Hain Us K Bad Ghar K Kam Ahemyat Rajkhtay Hain.

Hamaray Muashray Me Buhat Se Mard Apni Bv Ko Ahamyat Nahi Detay Or Un Ki Nazar Me Bv Ki Bat Ki Koi Hasyat Nahi Hoti Q K Wo Ya Samajhtay Hain K Wo Zada Zaheen Hain Or Kamatay Hain To Un Ki Bat Hi Sahi Hoti Ha Chotay Ya Baray Kisi Mumlay Me Maswara To Lena Dour Ki Bat Sunna Bhi Pasand Nahi Kertay K Is Me Unhain Beizati Mehsoos Hoti Ha Yahi Wajah Ha K Wo Bv Ki Yani Housewife Ki Tareef Kernay Se Bhi Katratay Hain Balkay Un K Kamon Me Nuks Nikalay Hain Low Class Or Ab To Middle Class Families Me Budget Ka Mumlay Me Buhat Laraiyan Rehti Hain House Wives Ager Job Kerti Bhi Hain To Utna Hi Tqreebanun Ya Us Se Zada Dosray Kharchon Me Nikal Jata Ik Housewife Ghar Pe Reh K Apni Tamam Salahiyyaton Ko Baroekar Latay Hwe Buhat Acchay Tareeqey Se Ye Sab Kam Ker Saktin Hain Or Us Me Bhi Kuch Na Kuch Bacha Sakti Hain Kisi Bhi Buray Waqt K Liya Ya Kisi Khas Mouqay Ki Tayyari K Liya Muger Ye Sirf Us Waqt Hi Mumkin Ho Sakta Ha Jab Souher Or Bv Dono Mil Ker Ik Dosray K Bahami Mashwaray Se Ghar K Kisi Bhi Mislay Ko Bghair Chupaiay Samjhain Or Mill K Hull Nikalain Is Se Na Sirf Housewife Mutmain Rahay Gi Balkay Shuher Bhi Ghar K Her Mumlay Se Waqif Rahay Gain Or Bachon K Mustaqbil Kay Liya Acchay Faslay Bhi Ker Sakain Gay Baray School Me Parhnay Se Beshak Bacha Socityko Ik Taleemiyafta Bachay To Mil Gain Gay Mager Tehzeeb Sirf Ik Maa Hi Sikha Sakti Ha Jis K Liya Maa Ko Ghar Pe Rehna Hog Yani Housewife K Tour Pe Husband Ko Housewife Ko Respect Deni Hi Cahiya Usay Samajhna Cahiya K Bv Kapray Dhoti Ha Khana Banatin Hain Bachon Ko Sambhalti Hainor Ya Saray Ka Un Ko Bhi Thaka Detay Hain Ager Wo Sara Din Bahir Kam Ker K Ain Hain To Bv Bhi Ghar Me Kam Kerti Rahi Hain Usay Bhi Aram Ki Zaroorat Ha Muhabet Or Tareef Ki Haqdar Ha Bachon Ki Tarbiyyat Me Maa K Sath Sath Baap Ka Bhi Kuch Hisa Hona Cahiyyay K Jab Wo Ghar Ain To Ghussa Na Dekhain K Ye Hi Bachay Sekhtay Hain Or Gharalo Mahol Kharab Honay Se Un Ki Taleem Or Tarbiyyat Dono Mutasir Ho Sakti Hain Or Dosri Bat Ye K Buhat Zada Pyar Ki Wajah Se Bachay Biger Bhi Saktay Hain Is Liya Un Ki Ghalat Bat Pe Tokna Or Rokna Bhi Cahiya Housewives Ko Bachon Ki Tarbiyat K Liya Azadi Honi Cahiya K Wo Un Ki Ghalat Bat Pe Rok Or Tok Sakay . Buhat Se Murd Hazrat Bachon Ki Her Ghalat Sa Hi Bat Pe Bachon Ki Bat Ko Ahamyat Detay Hwe Bv Ko Khamosh Kara Detay Hain Or Ager Bv Darain Dachon Ko To Wo Bachon Ki Bejah Himayyat Kertay Hain Jis Se Bachon Ki Nazar Me Maa Ki Bat Ki Ahamyyat Kam Ho Jati Ha Or Asay Bachay Mustaqbil Me Buhat Zidi Or Muashray K Liya Balkay Kud Maa Baap K Liya Dukh Ka Sabab Bantay Hain.