جمعتہ الوداع عظیم بخشش و نجات اورخود اَحتسابی کا دن ...
(Muhammad Azam Azim Azam, Karachi)
ماہِ رمضان کی روانگی کی نوید....
جمعتہ الوداع
جمعۃ الوداع ماہِ رمضان کا آخری جمعہ
آج اسلامی سال سن 1435ہجری کے نوے مہینے رمضان المبارک (کے آخری عشرے جہنم
سے نجات )کی26 ویں تاریخ ہے اور آج ماہِ رمضان کاآخری جمعہ یعنی کہ جمعتہ
الوداع بھی ہے اورآج ہی کے دن بمطابق عیسوی سال 2014کے سات ویں مہینے
جولائی کی 25 تاریخ بھی ہے یوں آج کا یہ دن جمعتہ الوداع اہل ایمان کو اِس
بات کی بھی نوید سنارہاہے کہ رب تعالی کا مہمان ماہ رمضان المبارک اب تم
لوگوں کے درمیان سے کچھ ہی دنوں بعد رخصت ہونے کو ہے اور آج کے بعد جتنے
بھی جمعے آئیں گے اِن جمعے کی افضلیت تو اپنی جگہ پر برقرار رہے گی مگر اُن
میں رمضان نہیں ہوں گے اے اہلِ ایمان آج اِس رخصت ہوتے اﷲ کے مہمان رمضان
المبارک کے اِس آخری جمعہ یعنی جمعتہ الوداع میں اپنا محاسبہ کرلو اور اِس
پورے ایک ماہ کے دوران اگر تم سے اِس اﷲ کے مہمان کی خدمت کرنے میں کوئی
بُھول چُوک یا کوئی دانستہ یا غیر دانستہ ظاہر و باطن بڑی یا چھوٹی غلطی سر
زد ہوگئی ہو تو اِس کی بھی اِس سے معافی تلافی مانگ لو اور آئندہ کے چند
دنوں میں اِن غلطیوں اور کوتاہیوں کو پھر ہرگزمت دُہرااُو( مت ہونے دو ) کہ
یہ تم سے کہیں ناراض نہ ہوجائے بلکہ اﷲ کا یہ مہمان رمضان المبارک جب
تمہارے درمیان سے رخصت ہو تو وہ تم سے خوش ہوکر لوٹے اور جانے کے بعد اﷲ رب
العزت کے حضور پیش ہوکروہ تمہاری خوب تعریفیں کرے اور تمہاری بخشش کے لئے
اﷲ سے دعائیں کرے اور اﷲ سے تمہاری جہنم سے نجات کی بھی سفارش کرے ۔اور
ہاں!اب تم خود ہی دیکھ لو اے اہل ِایمان یہ کام تمہار اہے کہ تم آج کے دن
اپنا احتساب خود کرو اور اپنے اعمال کو خود ہی ٹٹولو کہ تم نے ماہِ رمضان
میں روزے رکھ کر بھی کیا اُس کی اُن تمام پابندیوں کو اپنے اُوپر لاگو کئے
رکھا جو روزے کی روح تھیں اور آج تم یہ بھی خود سے ہی جاننے کی سعی کرو کہ
اِس ماہِ مبارکہ میں تم نے کیاکھویااور کیاپایا۔۔؟
ویسے توبیشک تمام دن اور تمام راتیں ہی اﷲ رب العزت کے قانونِ قدرت میں ہیں
مگر اِس کے باوجود بھی خود اِس پاک پروردگاراﷲ عزوجل نے بعض دنوں کودوسرے
دنوں کے مقابلے میں خاصی فضیلت عطا فرمادی ہے تو اِسی طرح بعض راتوں کو بھی
خود اِس تخلیق ِ کائنات کے خالق اور مالک اﷲ تعالٰی نے دوسری راتوں پر
فوقیت دے رکھی ہے مگراِس کے ساتھ ہی ہفتے کے دیگر سات ایام میں سے جمعہ کے
دن کو رب تعالی نے جو فضیلت دی ہے اور اِس دن کو بیشمار رحمتوں اور برکتوں
سے نواز رکھاہے تو وہیں اِس کی اہمیت اور افضلیت کے ثبوت کا اندازہ تو اہل
ِ ایمان قرآن کریم فرقان حمید کی اِس ایک سورت سے بھی بخوبی لگاسکتے ہیں کہ
اِس دن کی فضیلت تو خود رب تعالی نے اپنی آخری الہامی کتاب قرآن مجید فرقان
حمید کے 28ویں پارے کی پوری ایک سورت کو سورۃ الجمعہ کے نام سے نازل کرکے
اِس دن کی اہمیت کو اہل اسلام کے لئے رہتی دنیا تک یہ ارشاد فرما تے ہوئے
ترجمہ:- ’’اے وہ لوگوجو ایمان لائے ہو! جمعے کے دن نمازکی اذان دی جائے تو
تم اﷲ کے ذکر کی طرف دوڑ پڑواور خرید وفروخت کو چھوڑ دو،یہ تمھارے حق میں
بہت ہی بہتر ہے اگرتم جانتے ہو‘‘بڑھادی ہے کہ اہلِ ایمان کو ہر صورت میں
اِس پر عمل کرنا ضروری قرار دے دیاگیاہے۔جمعے کے دن کی افضلیت کے حوالے سے
حضرت ابوہریرہ ؓ سے روایت ہے کہ نبی ﷺ نے فرمایا ہے کہ’’ جمعے کے دن ملائکہ
مسجد میں آنے والے ہر شخص کا نام اِس کی آمد اور ترتیب کے اعتبار سے لکھتے
جاتے ہیں اور جوں ہی امام خطبہ دینے لگتاہے تو وہ نام لکھنے کا عمل بند
کرکے خطبہ سننے میں محوہوجاتے ہیں‘‘۔یوں جمعے کے دن کو دین اسلام میں ایک
خاص دن کی اہمیت حاصل ہے اِس دن یعنی کہ جمعے کے دن کو سیدالایام بھی
کہاجاتاہے یعنی کہ دنوں کا سردار اور ایک اور روایت میں ہے کہ جمعے کے دن
کواور دوسرے دنوں کی نسبت عید کا دن بھی کہاجاتاہے اِس کے علاوہ بھی جمعے
کے دن کے اور بھی بہت سے فضائل ہیں جن میں سے ایک یہ بھی ہے کہ میرے پیارے
آقاحضرت محمد مصطفیﷺ کا ارشاد مبارکہ ہے کہ ’’ جمعے کے دن خصوصاََ مجھ پر
کثرت سے درودد بھیجاکرو مجھ پر جو شخص ایک مرتبہ درود بھیجتاہے تو اِس پر
اﷲ تعالی اور اِس کے فرشتوں کی دس رحمتیں نازل ہوتی ہیں‘‘میری جان اُن پر
قربان میرے پیارے آقا حضور پُر نور حضرت محمد مصطفی ﷺ نے ایک اور موقع پر
ارشاد فرمایاکہ’’ جمعے کو کثرت سے مجھ پر درود بھیجاکرو جوایساکرے گا،قیامت
کے دن میں اُس کا گواہ اور شفیع ہوں گااور جمعے کے دن جو مجھ پر سو مرتبہ
درودبھیجے گا اُس کے 80سال کے گناہ معاف ہوں گے اور جو جمعہ کے دن مجھ پر
100مرتبہ درود بھیجے گا وہ جنت میں اپنا ٹھکانہ دیکھے بغیر نہیں مرے گا‘‘۔
اور اے ایمان والو! ماہِ رمضان میں تو ہر نیک عمل کا اَجر ویسے بھی کئی گنا
بڑہ جاتاہے اور جب کوئی مومن مسلمان ماہِ رمضان المبارک کے جمعے کے دن کوئی
بھی نیک عمل کرے تو پھر انداز کیجئے کہ اِس کے اَجر و ثواب کا کیا عام ہوگا
اور آج کا یہ ماہِ رمضان المبارک کا آخری جمعہ یعنی جمعۃ الوداع تو خودہی
چیخ چیخ کر اہلِ ایمان کو یہ نوید سنارہاہے ہے کہ مانگ لوآج جو کچھ بھی
اپنے رب سے تم مانگنا چاہوں اﷲ کی رحمت پوری طرح سے جوش میں ہے بس ہے کوئی
جو اِس موقع کا فائد اٹھائے اور دنیاوی اور آخری زندگی کے لئے اﷲ کی اِن
بیشمار رحمتوں کو اپنے دامن میں سمیٹ کر مالامال ہوجائے جو آج آسمان سے
زمین پر برس رہی ہے تو پھر کیوں نہ اے اہلِ ایمان ! تم آج کے دن کو ضائع
کئے بغیر امت مسلمہ کی کامیابی اورسُرخروئی کے ساتھ ساتھ قبلہ اول القدس کی
آزادی کے لئے بھی ثابت قدم ہر کر اپنی جدوجہد کو تیز تر کرنے اور کفر کی
طاقتوں کو نیست ُ و نابود کرنے کے لئے بھی اپنے رب سے خوب گڑ گڑاکر دعائیں
مانگوکہ اﷲ مسلمانوں کوایمانی قوت عطا فرمائے کہ مسلمان آج کے اِس 21ویں
صدی اوراِس دورِ جدید کے باطل پرستوں اور اسلام کے خلاف کھلم کھلا اٹھتی
کفر کی طاقتوں کا مقابلہ کرکے انہیں شکست سے دوچار کرکے ساری دنیا پر دین
اسلام کا پرچم لہرائیں اور اِس کے ساتھ ہی آج کا یہ دن پوری اُمت مسلمہ کو
یہ پیغام بھی دے رہاہے کہ آج کے دن ملت اسلامیہ کو اپنے اندر ملی یکجہتی
اور یگانگت کا جذبہ بھی پروان چڑھانا ہوگا تاکہ ملت اسلامیہ اپنی
بقاوسلامتی کے لئے باہم متحد اور منظم ہوکر کفر کی طاقتوں سے مقابلہ کرسکے۔ |
|