میرے سیاسی کالموں کا انجام

جب میں نے سیاسی کالم لکھنے شروع کیے تو ہر ملنے والے کو اکڑ اکڑ کر بتاتا تھا کہ پورے ملک میں یا میرے شہر کراچی میں جب بھی کوئی واقعہ ہوتا ہے میں فورا اُس واقعہ پر سیاسی کالم لکھتا ہوں، میرئے مخاطب کبھی ملک کے وزیراعظم ہوتے تو کبھی سپریم کورٹ کے چیف جسٹس، صوبے کے وزیراعلٰی کو بھی سنا دیتا ہوں اور خاصکر سندھ کے وزیراعلی کو تو اکثراُن کی نااہلی پر سناتا رہتا ہوں۔ صوبائی وزیروں کو تو میں کوئی اہمیت ہی نہیں دیتا ہوں، کبھی کبھی مرکزی وزیروں سےمخاطب ہوجاتا ہوں، وزیر خزانہ، وزیر تعلیم کو اکثر حکم دیتا رہتا ہوں کہ یہ یہ کرو۔ اگر وزیراعظم، چیف جسٹس، وزیر اعلی یا پھر کوئی وزیر اُن مسائل کا تذکرہ کرتےتو میں سب کو بتاتا ہوں کہ یہ میرئے مضمون کا نتیجہ ہے، لیکن کبھی کوئی مسلئہ حل نہیں ہوا اور میں اس خوش فہمی میں رہا کہ بس اب جلد ہی میرئے لکھے پر عمل ہوگا۔ لیکن پھر ایک دن مبشر علی زیدی کی 100 لفظوں کی کہانی ۔۔۔پریس ریلیز۔۔۔۔ پڑھی تو اپنے کالموں کے انجام سے آگاہی ہوئی۔ آیئے میرے کالموں کے انجام کوواضع طور پر سمجھنے کےلیے آپ بھی مبشر علی زیدی کی 100 لفظوں کی کہانی "پریس ریلیز" پڑھ لیں۔۔۔۔

سو (100) لفظوں کی کہانی ۔۔۔۔۔۔پریس ریلیز ۔۔۔۔۔۔مبشر علی زیدی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
’’کراچی ایئرپورٹ پر حملے کے ذمّے دار فی الفور گرفتار کیے جائیں، نتھو موچی۔‘‘
یہ پریس ریلیز میرے پاس پہنچی تو میں مسکرادیا۔
اگلے دن پھر فیکس آیا،
’’لیاری میں راکٹ حملے کرنے والوں کو گرفتار کیا جائے، نتھو موچی۔‘‘
میں نے اُسے بھی ردّی کی ٹوکری میں ڈال دیا۔
تیسرے دن جب ٹارگٹ کلرز کی گرفتاری والا بیان آیا تو میں نے اُسے فون کیا،
’’ابے نتھو! روز بیان کیوں جاری کرتا ہے؟
تُو کوئی وزیرِ اعلیٰ ہے؟
تیرے کہنے سے کوئی دہشت گرد پکڑے جائیں گے؟‘‘
نتھو بولا، ’’تو کیا وزیراعلیٰ کے کہنے سے پکڑے جاتے ہیں؟‘‘
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سو (100) لفظوں کی کہانی بشکریہ روز نامہ جنگ