Train 25 Minute Kay Araam Kay
Baad Mastaani See Chaal Kay Sath Agay Barnay Laghee Lagh Asa Raha Tha Kay Koi
Bee Ghar Ki Kherkee Say Train Ko Eshara Karay Tu Iss Nay Laazman Ruk Jana Huta
Hay Yaad Rakhiye Aci Sohalat Duniya Ki Kici Rail Mein Nahi Hay.Kaleem Ghusay Say
Bola Laghta Hay Sari Summer Vication Train Mein Hee Guzar Jaye Ge....Sohail Nay
Usay Sabar Ki Talqeen Ki ....Naved Nay Kaha Baita Itnay Pason Mein Asa Hee Safar
Milta Hay Itnay Pason Mn NASA Walay Rocket Tu Denay Say Rahay Kaleem Nay Train
Ko Ek Sehat Mand Raaijulwaqt Gaali Dee ....Train Jhat Sey Ruk Gai Hum Samjhay Ye
Gaali Ka Asar Hay Pata Chala Koi Caution Signal Hay Or Adhay Musafer Boghie Sey
Jump Maar Kar Andhray Mein Gum Hu Gaye Kaleem Nay Kaha Laghta Hay Becharee Thak
Gai Hay Zra Saans Lay Rahi Hay Boghee Ki Light Aty Thi Jaty Thee Humein Boghee
Mein Iss Loadshading Ki Samajh Nahi Aa Rahi Thee,,,,Itnay Mein Navid Ki
Cheekhnay Ki Awaaz Ayi Yar Mera Khana Kaha Hay Hum Masoom Say Lahjhay Mein Bolay
Bahi Laaye Bee Thay Yaa Ghar Bhool Aye Hu Naved Nay Thoree Deir Apnay Kamzor Say
Demagh Par Zor Dala Fer Us Nay Zakhmi Sher Ki Tra Humein Ghoorna Shuro Kar Dia
Yaqeenan Usay Ghar Kay Zaiqa Wala Shaami Kabaab Yaad A Gia Tha Abhi Hum Soch Hee
Rahay Thay Kay Kis Taraf Dour Lagahein Kaleem Or Sohail Ju Kay Iss Looot Maar
Mein Braabar Kay Shareek Thay Dono Nay Uss Kay Sath Mil Kar Humein Daboch Lia
Train Chal Kay Nahi Day Rahi Thay Teeno Nay Train Ka Ghusa Bee Hum Masoom Par
Utaar Dia Hum Nay Kaleem Or Sohail Ka Tarz E Amal Dekha Tu Ye Sheir Kuch Kuch
Samajh Anay Laga,,,,,,,,,,Jin Paton Par Takiya Tha Wohee Hawa Denay
Lagay,,,Sukar Hay Humaari Sehat Qabil E Rushk Thy Werna Itni Maar Khanay Kay
Baad Humara Hasahar Tora Bora Ya Mohenjudaro Jasa Hu Jana Tha..Kher Humaray Bach
Janay Mein Humara Koi Kamaal Naa Tha Qun Kay Jisay Allah Rakhay Usay Kon Jaan
Say Maray.,,Fer Humaree Ammi Jaan Ki Duaein Bee Humaray Sath Thein Bas Un Ki
Apna Khana Lay Kar Jana Wali Naseehat Yad Nahi Rahi Hum Bee Kia Karein Hamesha
Praye Maal Par Nazar Rakhnay Ki Adat Ju Thi.Sab Musaferon Nay Bhut Hee Hamdardee
Say Humari Traf Dekha Kuch Nay Humari Mashray Mein Moujuda Izzat Ko Tanzia
Andaaz Mein Dekha , Hum Bee Kia Kartay,,,Qun Kay Hum Nay Sun Rakha Tha Kay Izzat
Aani Jaani Cheeze Hay Banday Ko Dheet Huna Chaiye,,,Meray Parnay Walon Ko Asa
Bilkul Nahi Sochna Chaiye Qun Kay Humaray Teeno Doston Kay Sewa Sab Humaree
Izzat Kartay Thay Jis Par Hum Sab Say Chuph Chuph Kar Fakhar Kartay Rehtay Thay
Or Karna Bee Chaiye Hum Tu Apnay Farigh Time Mein Ye Hee Shughal Farmatay Thay
Qun Kay Ubh Tak Hakoomat E Waqt Nay Khud Par Fakhar Karnay Par Koi Bee Yaa Kici
Bee Kisam Ka Tax Aiyed Nahi Kia Tha Laghta Hay FBR Mein Zayda Tar Afraad Humray
Ek Dost Ahmed Ki Tra Sefaarshee Hee Hein Errray Bahi Ahmed Sefaarshi Nahi Hay
Balkay Wo Loghun Ki Sefarishein Karta Rehta Hay Hum Uss Ki Emaandaari Kay Bhut
Qaiel Hein Naa Hee Us Nay Kabi Reshwat Li Naa Hee Kabi Sarkaree Kaam
Kia,,,,(Jaree Hay)