Ibadat Kia Hey?...........Kia
Namaz, Roza, Hajj, Zakat, Sadqah, Fitra, Jehad, Waghera Ibadat Hain? Haan Bilkul
Yeh Sab Ibadaat Hain Lekin Yeh Sab Ibadaat Ki Qismain Hein. Tau Phir Ibadat Kia
Hey?………..Ibadat Ka Matlab Hey ALLAH TABARAK WA TA'ALA K Ahkamaat Ko Rasool-E-Pak
(S.A.W.) K Batae Huwe Tareeqey K Mutabiq Na Sirf Manana Balkey Us Per Amal Bhi
Kerna.
Misaal K Taur Per ALLAH Tabarak Wa Ta'ala Ne 5 Times Ki Namaz Farz Ki Hey…….Inn
Namazon Ko Ada Kerney Ka Tareeqa Rasool-E-Pak (S.A.W.) Ne Jo Bataya Hey Woh
Kutub-E-Ahadees Mein Mojood Hey. Ab Agar Koi Shakhs Kehta Hey Keh Mera Tau Dil
Kerta Hey Keh Mein 5 K Bajaey 6 Waqt Ki Namaz Parhoon Kiyon Keh Namaz ALLAH (S.W.T.)
Ko Bohot Pasand Hey Iss Liye Agar Mein 5 K Bajaey 6 Dafa Parhoon Gaa Tau ALLAH
Pak Ko Ziadah Pasand Aaee Gi Aur Mein ALLAH Pak Ki Nazron Mein Ziadah Motabar Ho
Jaoon Ga? Naheen…Bilkul Naheen, Yeh Shakhs ALLAH Pak Ki Nazroon Mein Ziadah
Motabar Honey K Bajaey Yeh Tau ALLAH Pak Ki Nazroon Sey Girr Jaeyga Kiyoon Keh
Iss Ne Ibadat Tau Ki, Namaz Tau Parhe Magar Apni Marzi Sey, ALLAH Ta'ala Ki
Mansha O Marzi K Mutabiq Nahi…….Issliye Yeh Ibadat ALLAH Ta'ala Ki Nazroon Mein
Mardood Hojaeygi Aur Qubool Nahi Hogi. Tau Maloom Huwa Keh IBADAT Naam Hey ALLAH
Ki Manney Ka, ALLAH Ki Marzi O Manzsha Ke Mutabiq Aur Rasool-E-Pak (S.A.W.) K
Bataey Huwe Tariqon K Mutabiq Jokeh Ahadees-E-Mubarka Mein Mojood Hein. Ab Agar
Koi Shakhs Kehta Hey Keh Chalo Mein 6 Waqt Ki Namaz Nahi Parhta 5 Waqt Ki Hi
Parhta Hoon Jaisakeh ALLAH Tabarak Wa Ta'ala Ka Hukm Hey Magar Namaz Mein 2 K
Bajaey 3 Sajdey Karoon Ga Kiyoon Keh Mein Ney Suna Hey Keh ALLAH Pak Ko Sajda
Bohot Pasand Hey. Jab Koi Banda Apney Sarr Ko ALLAH Pak K Saamney Jhukadeta Hey,
Yani Apni Zaat Ki Nafi Kerdeta Hey, Apney Aap Ko Mohtaaj Aur ALLAH Pak Ko Ghani
Samajh Ker Aur Apney Ghuroor Ko Torr Ker Jab ALLAH Tabarak Wa Ta'ala K Samney
Apney Sar Ko Jhukadeta Hey Tau ALLAH PAK Ko Uski Yeh Ada Bohot Achhi Lagti Hey
Aur Sajdey Ki Haalat Mein Banda Apney Rabb Sey Jo Bhi Jaiz Dua'ain Mangta Hey Wo
ALLAH (S.W.T.) Apney Uss Bandey Ki Zuroor Puri Kerta Hey……Tau Mein 2 Ke Bajaey 3
Sajdey Kerlaita Hoon, Yeh Tau ALLAH Pak Ko Aur Ziadah Pasand Aa'ain'ge Aur Mein
ALLAH Pak Ki Nigah Mein Aur Ziadah Moazziz HoJa'oonga? Nahi…Bilkul Nahi…Moazziz
Honey K Bajaey ALLAH Pak Ki Nazroon Sey Gir Jaega Kiyoon Keh Uss Ney Rasool-E-Pak
(S.A.W.) K Bataey Huwe Tareeqon Ko Chhorr Ker Apney Khud Saakhta Tareqe K
Mutabiq Namaz Parhi Hey…Jokeh Mardood Hey, Na-Qabil-E-Qubool. Tau Maloom Huwa
Keh IBADAT Naam Hey ALLAH Tabarak Wa Ta'ala K Hukmon Ko Rasool-E-Pak (S.A.W.) K
Bataey Huwe Mubarak Tareeqon K Mutabiq Manney Aur Amal Kerney Ka Naam. ALLAH (S.W.T.)
Ka Hukm NABI (S.A.W.) Ki ITA'YAT (Yehi Ibaadat Hey).
Iss Mazmoon Mein Jo Misaal Degaey Hey, 5-6 Namazoon Ya 2-3 Sajdon Ki Wo Mehez
Samjhaney K Liye Hey…Lekin Iska Maqsad Yeh Nahi Keh Jo Sirf Namazon Aur Sajdon
Mein Ikhtelaaf Karey Wo Hi Mardood Hey Balkey Jo Bhi Musalman Deen-E-Islam Ki
Kisi Bhi Ibadat Mein ALLAH Pak K Kisi Bhi Hukum Ko Apni Marzi K Mutabiq Yah
Rasool-E-Pak K Tareeqon Sey Hat Ker Karey, Wo Na-Qabil-E-Qubool Hey. Issper Na
Sirf Yeh Keh Usey Sawab Nahi Miley Ga Balkeh Wo Shakhs Azaab-E-Elahi Ka Mustahiq
Ban Jaey Ga ALLAH TABARAK WA TA'ALA Ki Bargah Mein Dua Hey Keh ALLAH Tabarak Wa
Ta'ala Ham Tamam Muslamano Ko ALLAH Pak Ki Tamam Ibaadaat Ko Khalis ALLAH Ta'ala
Ki Marzi Aur Rasool-E-Pak (S.A.W.) K Bataey Huwey Tareeqon K Mutabiq Amal Kerney
Ki Taufeeq Atta Farmaey Aur Uss Sey Hat Ker Koi Bhi Amal Kerney Sey Mahfooz
Fermaey, Ta Keh Hamari Dunya O Akherat Dono Hi ALLAH Pak Ki Nazron Mein
Maqbooliyet K Darjon Mein Hojaey. Aameen.