Ek Taraf Dour Kahien Neechay
Nangha Parbat Kay Glacier Kay Panio Ki Awaaz Kaano Mein Musalsal Aa Rahee Thee
Jis Sey Humein Ye Message Mil Raha Tha Kay Nangha Parbat Ki Hum Par Musalsal
Nazar Hay Or Hum Uss Wadion Mein Hee Hein Uss Ki Pohanch Say Dour Nahi Iss Time
Nangha Parbat Ek Taqatwar Hukmaraan Ki Tra Tha Jis Se Bach Kay Ya Uss Ki Ankh
Say Bach Kar Siah Uss Kuch Gumaan Bee Na Kar Sakta .Dosree Taraf Kabi Kabi Kuch
Abadee Kay Asaar Nazar Anay Laghtay Magar Tatuu Say Pehlay Koi Qabil E Zikar
Abadee Naa Thee Driver Nay Jeep Rok Kar Sarak Ko Ya Yun Keh Lijiye Kay Raastay
Ko Saaf Rakhnay Walay Sey Shinaee Zubaan Mein Koi Baat Ki Or Fer Navid Se Kuch
Cigeret Lay Kar Un Kay Hawalay Kar Diye Hum Andaza Nahi Laga Sakay Kay Navid Kay
Chahray Kay Expressions Kasay Thay Magar Humein Pora Andaza Tha Kay Iss Time Uss
Ki Feelings Kia Hun Gee Albata Sohail Ki Muskarahat Bata Rahee Thee Kay Agh Lagh
Chuckee Hay Or Fire Bergade Ki Zarorat Hay.Chashmay Ka Pani Oper Ki Janib Say Aa
Raha Tha Or Sarak Ko Geela Kar Raha Tha Sorajh Bee Ahista Ahista Heat Bara Raha
Tha Hum Garee Se Utar Kay Jahan Say Pani Ki Saaf Shafaaf Dhaar Aa Rahee Thee Hum
Ny Neechay Botal Laga Dee. Jeep Ounchai Ki Waja Say Roki Nahi Gai Thee Ahista
Ahista Pehlay Gear Mein Chaltee Rahee Hum Dour Kay Fer Se Garee Mein Sawaar Hu
Gaye.Nangha Parbat Kay Daman Mein Kabi Kabi Resham Bee Nazar Aa Jaty Thee Jasay
Koi Nagin Kali Siah Nagin Hu Fer Jeep Kay Mourtay Hee Wo Nagin Ghaieb Hu Jaty
Driver Ki Meharbani Thee Kay Wo Resham Kay Nazar Atay Hee Jeep Slow Kar Kay
Humein Resham Kaa Deedaar Karwa Deta.Din Bee Agay Barnay Kay Sath Sath Garam Bee
Hu Raha Tha Cap Or Tee Shirt Bhut Kaam Aa Rahay Thay Chashmay Ka Pani Bhut
Thanda Tha Minerals Sath Mein Free Thay.Jeep Kay Jhatkay Kabi Teiz Or Kabi Slow
Hu Jatay Thay Magar Yaad Nahi Aaa Raha Kay Kabi Mukamil Tour Khatam Bee Huay
Thay Ya Nahi Hum Nay Ek Chotay Say Behtay Huay Saaf Shafaaf Kisam Kay Nalay Ko
Cross Kia Tu Samnay Abadee Kay Asaar Nazar Anay Lagay(Jaaree Hay)