آج کل پانامہ سے متعلق خبریں ہر سو گردش
میں ہیں ۔۔۔۔۔۔۔۔۔ میاں صاحب کی راتوں کی نیندیں حرام دن کا چین بھی گیا
۔۔۔۔۔۔۔۔ اور فوجی بوٹوں کی تھاپ خوابوں میں بھی سنائی دینے لگیں ہیں
۔۔۔۔جی ہاں آف شور کمپنیوں کی لیکیج خبر اوربےچارے ہمارے پرائیم منسٹر اور
ان کے بچے ۔۔۔۔۔۔۔۔۔ سب ہی اس پانامہ افتاد کی لپیٹ میں آچکے ہیں ۔۔۔۔۔
بیرونی ممالک جہاں کے صدور اورپرائیم منسٹر ز کے نام زبان زد عام ہوئے وہاں
دھڑا دھڑ استعفوں کی خبریں بھی آنی شروّ ہوگئیں ۔۔۔۔ مگر اب کیا کیا جائے
پاکستان تو پاکستان ہے یہاں آنکھوں دیکھی مکھی بھی آسانی سے ہضم ہوجاتی ہے
اور یہ معاملہ مکھی کا نہیں ہمارے بے تاج بادشاہ پرائیم منسٹر نوازشریف کا
معاملہ ہے ۔۔۔۔۔۔۔۔ تو جناب کتنے عرصے تک نظام ہضم پر تابڑ توڑ حملے ہونگے
یہ تو اللہ ہی بہتر جانتا ہے ۔۔۔ہم تو ٹھہرے مسکین عوام جن کی حیثیت گائے
بکری کے ریوڑ سے زیادہ نہیں ۔۔۔۔۔ اور صابن کے جھاگ سے زیادہ ہم جوش رکھتے
نہیں ۔۔۔۔۔
بہرحال شوکت خانم ہاسپٹل کی بے قاعدگیوں کی خبریں سننے کو ملیں ۔۔۔۔۔۔۔۔۔۔
پڑھ کر افسوس ہوا کہ ایک واحد فلاحی کینسر ہسپتال کو بھی اپنے ذاتی عناد
اور جلن کا نشانہ بنا دیا گیا ۔۔۔۔۔۔۔۔۔ اور اپنی لوٹ کھسوٹ پر پردہ پوشی
کے لئے الزام تراشیوں کا ایک نہ ختم ہونے والا سلسلہ شروع کردیا گیا ۔۔۔۔۔۔
اگر جناب ایسی کرپشن شوکت خانم ہسپتال میں ہو رہی ہیں تو برائے مہربانی ملک
کے تمام سرکاری ہسپتالوں میں بھی اسی طرح کی کرپشن رائج کردیجئے تاکہ عام
آدمی کا بھی کچھ تو بھلا ہو ۔۔۔۔۔۔ معودبانہ گزارش ہے کہ اپنے سیاسی اکھاڑے
میں ایسے اچھے اور بھلے فلاحی اداروں کو مت گھسیٹئے آپ سب کی بڑی مہربانی
ہوگی ۔۔۔۔
جناب بات ہورہی تھی پانامہ پیپرز کی اور بیچ میں ہم دال لے کر بیٹھ گئے
۔۔۔بہرحال جہاں تک ہمارے ملک کا تعلق ہے تو جناب اس کی سیاسی ڈور ہمارے
بڑوں کے پاس بھی نہیں ہے۔۔۔ اور یہ بات فوج بھی اچھی طرح سے جانتی ہے اور
پرویز مشرف والی غلطی دہرانا نہیں چاہتی ۔۔۔۔۔۔ مگر آخر کب تک یوں تمام
معاملے سے قطع تعلق رہے گی ۔۔۔۔۔۔۔۔۔ دشمن کی نظریں ہم پر گڑی ہوئی ہیں ۔۔۔
اور آرمی کی ہچکچاہٹ بھی سمجھ آرہی ہے ۔۔۔۔ مگر لگتا یہی ہے کہ آخر میں
ناچار اسی کو اقتدار ٹیک اوور کرنا پڑیگا ۔۔۔۔۔ افسوس نااہل نکلے میرے سارے
رقیب والا حساب ہے ہمارے ملک کا ۔۔۔۔۔۔
ایم کیو ایم ، پیپلز پارٹی اور مسلم لیگ نواز اور دیگر سیاسی جماعتوں میں
تو وہ دم خم ہی نہیں اور مذہبی جماعتوں کا حال دیکھ کر آنٹھ آنٹھ آنسو رونے
کا دل کرتا ہے ۔۔۔۔۔ تو کافر میں مسلمان سے آگے ان کی گاڑی ہی نہیں چل پاتی
۔۔۔۔ موٹی موٹی گالیاں اگر کسی کو سیکھنے کا شوق ہو تو چند دن ان مذہبی
جماعتوں کے ساتھ اٹھے بیٹھے ۔۔۔خود ہی فر فر ایک سے بڑھ کر ایک گالی میں
خود کفیل ہوجائے گا ۔۔۔ جب ان جماعتوںکا یہ حال ہے تو سوچئے عام سیاسی
جماعتیں کیا گل کھلا رہی ہونگی ۔۔۔۔۔
ایم کیوایم کی کہانی بھی خوب ہے ۔۔۔۔ یہ واحد جماعت ہے جسے ہم نے بہت قریب
سے دیکھا ہے اور جاننا ہے ۔۔۔ کسی زمانے میں جھنڈے بھی لہرائے اور الطاف
بھائی جان کے حق میں نارے بھی لگائے لیکن کیا کیجئے کچھ حب الوطنی کے
جراثیم ہمارے اندر ہمیشہ سے ہی موجود رہے ۔۔۔اس لئے حقیقت کھلنے پر کنارہ
بھی کرلیا اور توبہ بھی ۔۔۔۔۔ بہرحال جب ملک دشمن ایسی جماعتیں پڑھے لکھے
عوام الناس میں مقبول ہوں تو اس کا تو اللہ ہی حافظ ہے ۔۔۔۔۔ پھر نوازشریف
جیسے لوگ ہی اقتدار میں آتے ہیں ۔۔۔۔۔ اور ہم جیسے لوگ انہیں بھگت تے ہیں
۔۔۔۔۔
کبھی کی راتیں لمبی تو کبھی کے دن اب دیکھنا یہ ہے کے یہ کڑوی گولی (پانامہ
پیپرز ) کب تک حلق میں اٹکی رہے گی ۔۔۔ عام آدمی تو کچھ کرنے سے رہا ۔۔۔ اس
کام کا بیڑا خاص لوگ ہی اٹھا سکتے ہیں ۔۔۔۔۔
جو سو رہا ہے وہ سو رہا ہے ۔۔۔ اب بین بجائے یا بانسری کیا فرق پڑیگا جناب
۔۔۔ فی امان اللہ |