Shaam Hu Chuki Thee Jisam Mein
Mojudh Humara Masoom Sa Dil Kici Corruption Kay Ilzaam Mein Pakray Gaye
Politiciankay Dil Ki Tra Tez Tez Dahrak Raha Tha Abhi German Climbers Ki Akhree
Araam Gahein Dekh Kar Wapsi Ka Safar Tha Magar Ubh Wapsee Mein Dehlaan Kam Thee
Or Oper Ki Janib Safar Zayda Tha Garmee Ki Shidat Bahut Kam Hu Gai Thee Nangha
Parbat Sey Hum Dour Hutay Jaa Rahay Thay Mehboob Kay Hathun Ki Chai Yaad Aa
Rahee Thee Humein Yaqeen Tha Kalim Ki Waja Say Kici Janwar Ki Humara Rasta
Katnay Ki Himat Nahi Hui Thee Balkay Baqol Sohail Sab Nanghaparbat Kay Basee
Khud Heraan Thay Kay Ye Konsee Makhlooq Yahan Aa Gai .Humara Jisam Humein Baree
Baree Or Buree Buree Gaalian Dey Raha Tha Kay Itni Kamzoor Emaarat Par Hum Nay
Bahut Boojh Daal Dia Tha Kalim Or Navid Bee Apni Bardassht Kay Akhree Marhalay
Mein Thay Sohail Ko Pora Yaqeen Tha Hum Nay Uss Say Kici Khaas Baat Ka Badla Lia
Hay Magar Chunkay Hum Nay Uss Kay Bachon Ko Kahaanian Sunani Thein Uss Nay
Humein Maaf Kar Dia Tha.Base Camp Adventure Sey Bharpoor Tha Base Camp Kaa
Raasta Itna Khatarnaak Ya Jaan Lewa Nahi Tha Jitna Hum Nay Soch Rakha Tha Han
Magar Mushkil Zaror Tha Aap Ka Dehaan Apnay Paon Par Rehta Tha Werna Paon Hee
Nahi Rehta Or Paon Kay Sath Hum Bee Gumshuda Hu Saktay Thay Magar Bala Ki
Fitness Chaiyee Thee Khas Kar Jabh Aap Nay Base Camp Par Raat Naa Guzaarni Hu
Qun Kay Thoray Se Araam Or Base Camp Ki Yaatra Kay Baad Aap Ko Ultay Qadmon
Wapis Huna Huta Hay ,,,,Hum Nay Bharpoor Dhooop Mein Base Camp Ka Nazara Kia
Magar Glacier Kay Paas Janay Ki Himat Na Kar Sakay Uss Ki Haibaat Naak Awazein
Hee Hum Jasay Ashiq Ko Dara Denay Kay Liye Kafi Thay Asa Hi Tha Jasay Aap Ko
Kici Larki Sey Yaktarfa Muhabat Hu Jaye Or Uss Ka Bahi Boxer Hu Baat Aap Ki
Samajh Mein Aa Gai Hu Gi Qun Kay Koi Nangha Parbat Kaa Ashiq Hu Na Hu Magar
Ashiq Zaror Huta Hay.Navid Nay Baithay Huay 2 Gold Leaf Pharka Diye ,,Kalim Nay
Kaha Iss Ki Jaan Dekhu Or Badmashi Dekhu Cigret Peetay Huay Khud Ko John
Travolta Samajhta Hay Jabh Kay Ye Uss Kay Jutay Mein Pori Raat Paon Phela Kay So
Sakta Hay(Jaaree Hay)