Khawahishaat Kabhi Na Khatam
Honey Wala Aik La Mahdood Rasta Hai Jis Per Hum Loog To Sari Zindagi Chaltey
Rahtey Hain Phir B Hamen Lagta Hai K Hamara Rasta Abi Baqi Hai Hamari Aik Arzoo
Ki Takmeel Ho Tu Hum Dosri Khawahish K Hasool K Lie Lug Jatey Hain.
Ager Khawahish Musbat Ho Tu Achi Baat Hai K Hum Kisi Aim Ko Kisi Khawahish Ko
Paney K Lie Kushish Kartey Hain Hum Chahtey Hain K Hum Is Cheez Ko Pa Lay Tu
Hamari Life Mai Acha Efect Parey Ga Jaise Zamana Talab Ilmi Mai Bacha Sochta Hai
K Main Ne Bara Ho K Dr Banna Hai Aur Us Khawahish Ki Takmeel K Lie Wo Ziyada Se
Ziyada Mahnat Kerta Hai Aur Us Aim Ko Paney K Lie Her Mumkin Tagodo Kerta Hai.
Ager Khawahish Musbat Hai Tu Achi Baat Hai.
Lakin Hum Daikhtey Hain K Khawahishaat Mukhtalif Rang Akhtiyaar Ker K Hamari
Lifes Mai Ronama Hoti Hain Hum Khawahish Kartey Hain K Kaash Hamarey Pas Aik
Motor Cycle Ho Aur Jub Wo Mil Jati Hai Tu Phir Hum Car Ki Taraf Daikhney Lug
Jatey Hain Jub Usse Pa Laitey Hain Tu Hamari Nighah Ka Markuz Bari Gari Le Laiti
Hai K Kaash Mere Paas Ye Wali Gari Hoti Yai Aik Choti C Misaal Hai Isi Tara
Hamari Life Mai Buhat C Wishes Hoti Hain Barey Aur Achey Ghar Ki,Achi Jagha Per
Ho, Bari Gari Ho, Mulazim Ho, Zawer Ho.
In Sub Cheezo Ki Khawahish Rakhna Insaan Ka Right Hai Lakin Ager Hum In K Hasool
K Lie Achey Aur Borey Main Tameez Ka Faraq Mitta Dai Tu Waha Hamari Khawahishat
Ghalat Rang Akhtiyar Ker Laiti Hain Aur Hum Ghalat Kartey Kartey Sahi Aur Huq
Baat Se Apni Pahchaan Ganwa Daitey Hain.
Kisi B Cheez Ki Tamana Kerna Ghalat Nahi Lakin Pehley Hamen Jo Hamarey Paas Hai
Us Per Saber Aur Shuker Ki Adat Dailni Chahye K Her Haal Main ALLAH Ka Shuker
Karney Waley ALLAH Ki Raza Ko Pa Jatey Hain Aur Ager Hum Us Ki Raza Ko Pa Jaen
Tu Is Se Bari Kamyabi Aur Kia Ho Sakti Hai So Hamen Apni Khawahishaat Ka Pandara
Itna Wasee Nahi Bana Lana Chahye K Hamari Rozmarha Ki Zaindgi Jahanam Ban K Rah
Jae Bal K Ager Koi Wish Hai Tu Us Ko ALLAH Ki Marzi K Mutabiq Painey Ki Kushish
Karni Chahye InshALLAH Ager Hum Us Ki Khushi K Lie Apni Khawahishaat Ka Gala
Ghoont Dain Tu Waha Us K Paas Us Ka Bahtreen Ajer Ho Ga Aur Hum Ko Hamari Talab
Sai Berh Ker Miley Ga InshALLAH.