قرآن سمجھنا کیوں ضروری ہے؟

(Abdullah Amanat Muhammadi, Kasur)
دنیا میں بے شمار کتابیں ہیں اور ہر کتاب کے کئی فائدے ہیں لیکن قرآن مجید کائنات کی سب سے بہترین کتاب ہے۔ قرآن پاک تمام کتابوں پر اسی طرح فضلیت رکھتا ہے جس طرح اللہ تعالیٰ کی فضلیت تمام مخلوقات پر ہے۔ قرآن حکیم پڑھنا بہت ضروری ہے لیکن اس سے بھی زیادہ ضروری ہے اسے سمجھنا اور اس پر عمل کرنا۔
ہم لوگ زندگی میں مختلف کتابیں پڑھتے ہیں۔ ہم ہر جملہ بڑی توجہ کے ساتھ پڑھتے ہیں اور اگر کسی بات کی سمجھ نہ آئے تو دوبارہ پڑھتے ہیں تاکہ جان سکیں کے مصنف کیا کہنا چاہ رہا ہے۔ دوبارہ پڑھنے پر بھی تسلی نہ ہو تو ٹیچر یا عالم سے رابطہ کرتے ہیں تاکہ بات مکمل طور پر دل و دماغ میں اتر جائے۔ لیکن جب قرآن کریم پڑھنے کی باری آتی ہے تو جلدی جلدی صحیح یا غلط پڑھ کر جان چھڑوا لیتے ہیں۔ کبھی اس بات پر غور کیا کہ اللہ تعالیٰ ہم سے کیا کہنا چاہ رہے ہیں؟ اللہ پاک کی قسم! اگر لوگ قرآن سمجھ کر عمل کرنا شروع کر دیں تو دنیا میں حقیقی امن و سکون حاصل ہو جائے۔

ہم لوگ روزانہ قرآن کریم سنتے اور پڑھتےہیں۔ سال میں کم از کم ایک دفعہ تو مکمل قرآن پاک پڑھتے ہیں لیکن کوئی خوش قسمت ہی قرآن حکیم سے کوئی نصیحت لے کر اٹھتا ہو گا۔ ہم نے قرآن کریم پڑھتے ساری عمر گزار دی لیکن آج تک یہ نہیں جان سکے کہ اللہ تعالیٰ ہم سے کیا کہہ رہا ہے۔ کسی چوہدری، تھانیدار یا وڈیڑے کی بات سمجھ نہ آئے تو بار بار پوچھتے ہو کہ صاحب جی نے کیا کہا تھا۔ لیکن اللہ پاک کی بات سمجھنے کی کبھی کوشش ہی نہیں کی جو بادشاہوں کا بادشاہ اور ہمارا خالق و مالک ہے۔

اللہ تعالیٰ نے قرآن حکیم میں فرمایا ہے کہ میں نے یہ کتاب اس لیے نازل فرمائی ہے تاکہ تم لوگ غورو فکر کرو اور سمجھ سکو۔ میں ایک مثال دے کر بات کو واضح کرنا چاہتا ہوں کہ ایک طالب علم روزانہ سکول جائےاور انگلش کی کتاب کے لیکچرز سنےاور کتاب کا مطالعہ بھی کرےلیکن اسے سمجھنے کی کوشش نہ کرے۔ اس نے سارا سال باقائدگی سے لیکچرز سنے ہوں اور کتاب پڑھی ہو لیکن ایک بھی جملہ نہ سمجھا ہو، کیا وہ امتحانات میں کامیابی حاصل کر سکے گا؟ ہر عقل مند شخص کا جواب نفی میں ہوگا ٹھیک اسی طرح دنیا و آخرت میں کامیابی کے لیے ہمیں قرآن پاک کو سمجھنا ہو گا کہ اللہ تعالیٰ ہم سے کیا کہہ رہے ہیں۔
اس بات میں کوئی شک نہیں کہ اللہ تعالیٰ قرآن پاک کے ذریعے کئی قوموں کو عروج عطا فرما دیتے ہیں اور کچھ اس کے مخالف لوگوں کو ذلیل کر دیتے ہیں۔ قرآن پاک کی آیتوں کو نہ سمجھنا مسلمانوں کی پوری دنیا میں ذلت و رسوائی کی سب سے بڑی وجہ ہےلہذا دنیا و آخرت میں عروج اور کامیابی کے لیے قرآن پاک سمجھنا بہت ہی ضروری ہے۔
  READ / POST YOUR COMMENTS  
Rate it:
Share Comments Post Comments
Total Views: 647 Print Article Print
About the Author: Abdullah Amanat Muhammadi

Read More Articles by Abdullah Amanat Muhammadi: 62 Articles with 34071 views »
I am a Google certified digital marketing expert and CEO at AAM Consultants. I have more than three years’ experience in the field of content writing .. View More
Recent Religion Articles
تحفظ ختم نبوتﷺ کانفرنس پچنند
کمال مدینہ النبی
بنت حوا کے مسائل اور ان کا شرعی حل (دسویں قسط)
دین کی سمجھ ملنے کی چار علامتیں
جو کچھ بھی ہیں سب اپنے ہی ہاتھوں کے ہیں کرتوت
View all Religion Articles
Most Viewed (Last 30 Days | All Time)

Reviews & Comments

اس مضمون کا انگلش ترجمہ پڑھنے کے لیے لنک پر کلک کری: http://www.hamariweb.com/articles/article.aspx?id=86489
By: Abdullah Amanat Muhammadi, Kasur on Jan, 19 2017
Reply Reply
0 Like
Language:    

مزہبی کالم نگاری میں لکھنے اور تبصرہ کرنے والے احباب سے گزارش ہے کہ دوسرے مسالک کا احترام کرتے ہوئے تنقیدی الفاظ اور تبصروں سے گریز فرمائیں - شکریہ