ڈیرن سیمی کا ایک اور منفرد اور دل چھولینے والا انداز

 ڈیرن سیمی نے منفرد اور مخصوص پختون انداز میں پشاور زلمی کی پی ایس ایل فور کی کٹ لانچ کردی۔ رباب ہاتھوں میں تھامے اور بجاتے ، چترالی ٹوپی پہنے اور پشاوری شال اوڑھ کر سیمی نے پشاور زلمی کی نئی کٹ لانچ کی۔ منفرد انداز میں کٹ لانچ کرنے کے بعد ڈیرن سیمی نے اپنے پیغام میں کہا کہ پشاور صرف فینز سے ملاقات اور کٹ لانچ کرنے آیا،اور یہاں بہترین اور یادگار وقت گزارا۔ڈیرن سیمی نے کہا پشاور زلمی پی ایس ایل میں پوری جان لڑائے گی۔ اور پی ایس فور بھی پہلے زیادہ اور بڑی ثابت ہوگی ۔پشاور زلمی کے چیرمین جاوید آفریدی نے پشاور آمد پر ڈیرن سیمی کا شکریہ ادا کیا۔ جاوید آفریدی نے پی ایس ایل فور کے لیے پشاور زلمی کے تمام اسپانسر، پارٹنرز اور میڈیا پارٹنرز کا بھی خصوصی طور پر شکریہ ادا کیا ۔