دبئی میں پشاور زلمی کا پہلا پریکٹس سیشن

پاکستان سپر لیگ سیزن ٹو کی فاتح اور گزشتہ سیزن کی رنراپ ٹیم پشاور زلمی نے بلند حوصلوں اور کامیابی کا عزم لیے دبئی میں پی ایس ایل سیزن فور کی تیاریوں کا باقاعدہ آغاز کردیا ۔ آئی سی سی کرکٹ اکیڈمی دبئی میں پشاور زلمی نے تین گھنٹے بھرپور پریکٹس سیشن میں حصہ لیا۔ کپتان ڈیرن سیمی، لیام ڈاسن، ڈیوڈملان اور وین میڈسن نے ٹیم زلمی کو جوائن کرلیا اور اسکواڈ کے ہمراہ تین گھنٹے بھرپور پریکٹس کی۔ وین میڈسن نے پہلے ہی روز اردو اور پشتو سیکھ کر خوشی کا اظہار کیا اور ساتھ ہی پشاور زلمی کے لیے اچھی کارکردگی دکھانے کے عزم کا اظہار بھی کیا ۔ابتسام شیخ اور عمید آصف مسلسل دوسرے سال پشاور زلمی کی نمائندگی پر خوشی کا اظہار کیا۔