آج کل سوشل میڈیا پر ہر طرف خلیل الرحمٰن، ماروی سرمد اور عورت مارچ کے ہی چرچے ہیں۔ جِسے دیکھو اس کے پاس بات کرنے کو صرف یہ ایک موضوع ہی رہ گیا ہے۔
تفصیلات کے مطابق ٹی وی نیوز اینکر 'جمیل فاروقی' نے سماجی رابطے کی ویب سائٹ ٹوئٹر پر ٹوئٹ کیا کہ 'قمر صاحب بہت غلط کیا آپ نے دانش کو مار دیا۔ دانش کا کریکٹر آپ کرتے تو بندی کی چھترول پکی تھی، قمر صاحب! آپ نے تو جسم کی مرضی والوں کی کمر ہی ٹھوک دی۔ اب 8 مارچ کو یوم خواتین پر عورت مارچ کی جگہ جگہ شاید قمری مارچ ہوا کرے گا اور تمام لبرلز آپ جیسے مرد کے پتلے جلائیں گے'۔
جمیل فاروقی کے اِس ٹوئٹ کا ماروی سرمد نے بھرپور جواب دِیا اور کہا 'بیٹا، طبیعت ٹھیک ہے آپ کی'؟
جواب میں جمیل فاروقی نے لکھا 'آنٹی میں اپنے ماں باپ اور دھرتی ماں کا بیٹا ہی ٹھیک ہوں، دونوں گزر گئے ہیں، اس جہان میں میرے لئے آپ کے منہ سے بیٹا سن کے ان کی روح ہی نہ کانپ جائے کہیں، خدارا دوبارہ بیٹا مت کہئے گا، باقی میری تو طبیعت ٹھیک ہے۔ آپ اپنی سنائیں۔ سب ٹھیک ٹھاک ناں؟'