کورونا وائرس ہمارے مدافعتی نظام پر اثر انداز ہوتا ہے اور اس کو بہتر رکھنے کے لئے ماہرین بڑا زور دیتے ہیں۔
حال ہی میں برطانوی ڈاکٹر مائیکل موسلے نے کورونا وائرس سے متعلق ایک کتاب لکھی ہے جس میں انہوں نے وائرس سے بچنے کے طریقے بتاتے ہوئے کہا کہ :
" ہر30 منٹ بعد کھڑے ہونے سے آپ کا مدافعتی نظام طاقتور ہو سکتا ہے۔ اور یوں ہر آدھے گھنٹے بعد کھڑے ہونے سے آپ کی ورزش بھی ہو جاتی ہے"
ان کا مذید کہنا ہے کہ اپنے فون پر الارم لگا لیں جو آپ کو ہر آدھے گھنٹے بعد یاد دلائے کہ آپ کو کچھ دیر کے لیے کھڑا ہونا ہے۔
اگر آپ بہت زیادہ ٹی وی دیکھتے ہیں تو جب اشتہارات کا وقفہ ہو تو اٹھ کر چلنا شروع کر دیں۔
ڈاکٹر مائیکل کے مطابق " مسلسل بیٹھے رہنا انسان کے مدافعتی نظام کے لیے اتنا ہی خطرناک ہے جتنا کہ سگریٹ نوشی" ۔
اگر آپ کورونا وائرس سے محفوظ رہنا چاہتے ہیں تو مسلسل بیٹھے رہنے کی عادت ترک کر دیں، ورزش کریں اور اس طرح سے آپ موٹاپے میں کمی بھی لا سکتے ہیں۔