سوشل میڈیا پر ایک ویڈیو وائرل ہورہی ہے جس میں موٹر سائیکل پر سوار ڈاکوؤں کو روتے ہوئے فوڈ ڈیلیوری بوائے کو گلے لگاتے ہوئے دیکھا جاسکتا ہے۔
اکثر آپ نے ڈاکوؤں کی راہ گیر چلتے لوگوں سے لوٹ مار کرتے ہوئے تو کئی ویڈیوز دیکھی ہوں گی، لیکن شہر کراچی میں ڈکیتی کی انوکھی واردات ہوئی جس میں ڈاکوؤں کو اپنے شکار کی حالت پر رحم آگیا اور انہوں نے نہ صرف روتے ہوئے ڈیلیوری بوائے کو اس کا سب سامان واپس کیا بلکہ گلے لگا کر تسلی بھی دی۔
سوشل میڈیا پر وائرل ویڈیو میں دیکھا جاسکتا ہے کہ ڈیلیوری بوائے کھانے کا سامان دے کر اور پیسے لے کر جیسے ہی اپنی موٹر سائیکل پر بیٹھا تو وہیں پیچھے سے دونوں ڈاکو آدھمکے اور اس کی جیب سے بٹوہ نکال لیا جس پر ڈیلیوری بوائے نے ملزمان کو کچھ کہا اور پھر رونے لگا۔
روتے ہوئے ڈیلیوری بوائے کو دیکھ کر ملزمان کو اس کی حالت پر رحم آگیا اور انہوں نے اس سے لی ہوئی چیزیں واپس کی اور اسےگلے لگا لیا اور اس سے ہاتھ بھی ملایا اور تسلی دے کر واپس چلے گئے۔ ملزمان کے جانے کے بعد بھی رائیڈر روتا رہا۔ سوشل میڈیا پر انسانیت کے نام سے ویڈیو وائرل ہو گئی اور لوگ اس منظر کو دیکھ کر جذباتی ہوگئے ہیں۔
ملزمان کے جانے کے بعد بھی رائیڈر روتا رہا۔ سوشل میڈیا صارفین اس ویڈیو
کو انسانیت کے نام سے بھی شئیر کر رہے ہیں۔