ہر سال نئی امیدیں، نئی خوشیاں لے کر آتا ہے مگر اس سال جانے کس کی نظر پوری دنیا کو ہی اپنی لپیٹ میں کے گئی۔
اس سال 2020 میں اب تک ایسے ناقابلِ بیان واقعات ہوچکے ہیں جن کے بارے میں نہ تو کوئی سوچ سکتا تھا نہ گماں۔
چلیں ایک نظر آپ بھی جان لیں کہ اس سال اب تک کون کون سے دلخراش واقعات ہوچکے ہیں:
٭ کورونا وائرس:
سب سے زیادہ زندگیاں کھانے والا کورونا وائرس سے صرف ایک دو ممالک نہیں پوری دنیا یکسر زد میں آئی ہوئی ہے اور لاکھوں لوگ اپنی جانوں سے ہاتھ دھو بیٹھے۔
٭ ٹڈی دل:
ٹڈی دل نے میلوں مربعہ پھیلی ہوئی فصلوں کو تباہ کرکے رکھ دیا، ایک طرف جہاں جانوں کا ضیاع ہے وہیں خوراک کی حد درجہ قلت بھی بڑھ گئی۔
٭ امریکہ میں سیاہ فام کے لئے احتجاج:
امریکہ میں جہاں سیاہ فاموں کو یاک لعنت سمجھا جاتا تھا وہیں "جارج فلائیڈ" نامی شخص کی موت کے بعد امریکہ سمیت دنیا بھر میں نسلی امتیاز کے خلاف مظاہرے اور سیاہ فاموں کے حقوق کے لئے آوازیں بلند ہونا شروع ہوگئیں۔
٭ پی آئی اے طیارہ حادثہ:
پاکستان میں پی آئی اے طیارہ حادثہ عید سے بلکل ایک دن قبل ہوا جس میں معجزاتی طور پر 2 لوگ زندہ بچ گئے اور پائلیٹ سمیت 102 افراد اپنی جان کی بازی ہار گئے، یہ انتہائی دل دہلا دینے والا واقعہ تھا جس پر پوری قوم اشکبار ہے۔
٭ آسٹریلیا کے جنگلات میں آگ:
آسٹریلیا کے جنوب مشرق میں موجود دنیا کے سب سے بڑے جنگلات میں اس قدر شدت کی آگ بھڑکی جس سے جنگلات اور جانوروں کو شدید نقصان پہنچا، 5،900 سے زیادہ عمارتیں تباہ ہوئیں اور کم از کم 34 افراد ہلاک ہوگئے۔
٭ یوکرائن جیٹ طیارہ حادثہ:
ایران کے کمانڈر قاسم سلیمانی کی امریکی ڈرون حملے سے ہلاکت کے بعد ایرانی فوج نے یوکرائن کے جیٹ لائنر پر حملہ کرکے مار گرایا جس میں سوار 176 افراد ہلاک ہوگئے۔ اس کے علاوہ عراق میں امریکی فوجیوں کی بیس پر بیلسٹک میزائل کے حملے کے چند گھنٹے بعد ہی اس طیارے کو بھی مار دیا تھا جو کہ ایک انتقامی کاروائی کے طور پر کیا گیا۔
٭ انڈیونیشیا میں سیلاب:
انڈونیشیا میں خطرناک سیلاب کے نتیجے میں 66 افراد ہلاک اور 400،000 کے قریب افراد اپنے گھر بار چھوڑنے پر مجبور ہوگئے۔ ملک کے کم از کم 182 علا قے زیر آب آگئے اور قیامت خیز مناظر دیکھے گئے۔
٭ دہلی میں فرقہ وارانہ فسادات:
دہلی میں ہندو مسلم فسادات شدت اختیار کرگئے جس کے نتیجے میں 56 مسلمانوں کو قتل کردیا گیا اور مسلمانوں کو گھروں سے نکال کر مارا گیا۔
٭ تال آتش فشاں پہاڑ:
فلپائن کے شہر منیالامیں آتش فشاں نے اچانک گرم لاوا اُبل گیا۔ آگ اس طرح بھڑکی جیسے دوزخ کا منظر دکھائی دینے لگا، گرمی کی شدت سے ہزاروں لوگوں کا دم گھٹنے لگا تاہم اس واقعے میں کوئی جانی نقصان نہیں ہوا۔