امیر بننا ہر شخص کی خواہش ہوتی ہے مگر اس کے لئے کوشش اور پھرپور محنت کی ضرورت ہوتی ہے۔ ہر فرد چاہتا ہے کہ وہ پرتعیش زندگی بسر کرے لیکن یہ تمام چیزیں آپ صرف اور صرف اپنے آپ پر یقین اور مسلسل محنت سے ہی حاصل کرسکتے ہیں۔
پیسے خرچ کرنا جتنا آسان ہے، کمانا اتنا ہی مشکل ہے اگر آپ امیر بننا چاہتے ہیں معاشی فکروں سے آزاد زندگی بسر کرنا چاہتے ہیں تو درج ذیل باتوں کو اپنا زندگی میں شامل کرلیں اور لازمی عمل کریں۔
1- اپنے اوپر پیسہ انویسٹ کریں
دنیا جس رفتاری سے آگے کی جانب بڑھ رہی ہے روز بروز نئی اور جدید ایجادات سامنے آتی جارہی ہیں ان حالات میں آپ اپنے آپ کو اپ ڈیٹ رکھٰیں۔ سیکھنے کا عمل کبھی بھی رکنا نہیں چاہئے کیونکہ اگر آپ میں سیکھنے کی جستجو ہوگی و کامیابی آپ کے قدم چومے گی۔
2- محنت سے نہیں گھبرائیں
آپ نے سنا ہی ہوگا کہ محنت میں عظمت ہے اور جس کام میں آپ کی محنت شامل ہوگی اس کا پھل بھی آپ کو لازمی ملے گا۔
3- ذریعہ آمدن بڑھائیں
اپنا ذریعہ آمدن بڑھائیں، یہ ایک سادہ سا کلیہ ہے۔ اگر آپ اپنا ذریعہ آمدن بڑھائیں گے تو آپ کی آمدنی میں بھی اضافہ ہوگا۔ آپ بڑی بڑی کمپنیوں کو دیکھیں، وہ بھی یہی کچھ کرتی ہیں۔ ایک کاروبار سے آغاز کرتی ہیں اور آہستہ آہستہ اپنے کاروبار کا پیمانہ بڑھانے کے ساتھ ساتھ مختلف قسم کے نئے کاروبار کا آغاز بھی کر دیتی ہیں۔
4۔ کامیاب لوگوں کے ساتھ بیٹھیں
آپ کی سوچ آپ کے گردونواح پر بہت انحصار کرتی ہے۔ اگر آپ ایسے لوگوں کے ساتھ رہتے ہیں جو کاہل اور سست ہیں اور زندگی میں آگے نہیں بڑھنا چاہتے تو آہستہ آہستہ آپ بھی ان جیسے ہو جائیں گے۔ اس لئے ضروری ہے کہ آپ ایسے دوستوں کا انتخاب کریں جو کوئی مقصد رکتھے ہوں۔ ایسے لوگوں کا ساتھ آپ کو بھی ہمیشہ آگے بڑھنے پر اکساتا رہے گا۔ آپ کسی بھی کامیاب شخصیت کی کامیابی کی جدوجہد کا مطالعہ کریں آپ کو ہمیشہ ان کے ساتھیوں میں کامیاب لوگ ملیں گے۔
5- رسک لینے سے مت گھبرائیں
اگر آپ کے ذہن میں کوئی اچھوتا آئیڈیا ہے تو اسے فضول سمجھ کر نظر انداز نہ کریں بلکہ اس پر کام کریں۔ متعلقہ شعبے کے ماہرین سے ملیں، ان سے اپنی رائے کے متعلق بات کریں اور اس کو نکھاریں۔