اکثر لوگ جب خواب دیکھتے ہیں تو کبھی تو وہ یاد رہ جاتے ہیں لیکن عام طور پر یا تو مکمل خواب یا پھر خواب کا کچھ حصہ ذہن سے محو ہوجاتا ہے۔
سائنسی اصطلاح میں اس کیفیت کو ریپیڈ آئی موومنٹ کہا جاتا ہے جو کہ گہری نیند کے بعد ہم محسوس کرتے ہیں۔
خواب کا یاد رکھنا بعض اوقات اس لئے بھی ضروری ہوتا ہے کہ ان کی صحیح تعبیر کے لئے خواب کی تفصیلات درکار ہوتی ہیں۔ آج کی یہ تحریر اُن تمام قارائین کے نام ہے جن کو خواب یاد رکھنے میں مشکل درپیش ہوتی ہے۔
کیلا، چنے اور ٹیونا (Tuna) مچھلی میں پائے جانے والا وٹامن بی 6 لوگوں کو خواب یاد رکھنے میں مدد فراہم کرتا ہے۔
یہ دعویٰ آسٹریلیا میں ہونے والی ایک طبی تحقیق میں سامنے آیا۔ ایڈیلیڈ یونیورسٹی کی تحقیق میں بتایا گیا کہ 5 دن تک اس وٹامن کا زیادہ استعمال لوگوں کی خواب یاد رکھنے کی صلاحیت 64 فیصد تک بڑھا دیتا ہے۔