پاکستان پیپلز پارٹی کے چیئرمین بلاول بھٹو زرداری سے زرداری ہاؤس میں آج اہم سیاسی شخصیات اور پارٹی رہنماؤں نے الگ الگ ملاقاتیں کیں، جن میں چیئرمین سینیٹ سید یوسف رضا گیلانی، پنجاب کے گورنر سردار سلیم حیدر، خیبرپختونخوا کے گورنر فیصل کریم کنڈی، سندھ کے وزیراعلیٰ سید مراد علی شاہ اور بلوچستان کے وزیراعلیٰ میر سرفراز بگٹی شامل تھے۔
بلاول بھٹو زرداری سے گلگت بلتستان کے وزیراعلیٰ امجد ایڈووکیٹ نے بھی ملاقات کی، جبکہ پاکستان پیپلز پارٹی پارلیمنٹیرینز کی نائب صدر سینیٹر شیری رحمان، پیپلز پارٹی پنجاب کے صدر راجہ پرویز اشرف اور رکن قومی اسمبلی سید نوید قمر نے بھی چیئرمین پیپلز پارٹی سے علیحدہ علیحدہ ملاقاتیں کیں۔
زرداری ہاؤس میں ہونے والی ان ملاقاتوں میں اہم سیاسی شخصیات اور پارٹی قیادت کی شرکت کو سیاسی حلقوں میں اہمیت دی جا رہی ہے۔