پیٹرولیم مصنوعات کی قیمتوں میں اضافہ، کل سے پیٹرول 5.50 اور ڈیزل 6.50 روپے فی لیٹر تک مزید مہنگا ہونے کا امکان۔
تفصیلات کے مطابق آئل اینڈ گیس ریگولیٹری اتھارٹی (اوگرا) نے پیٹرولیم مصنوعات کی قیمتوں میں اضافے کی تجویز پیش کرتے ہوئے پیٹرولیم مصنوعات کی قیمتوں میں اضافے کی سمری پیٹرولیم ڈویژن کو ارسال کر دی۔
اوگرا کی جانب سے پیٹرولیم ڈویژن کو ارسال کردہ سمری میں پیٹرول کی قیمت میں 5.50 اور ڈیزل کی قیمت میں 6.50 روپے فی لیٹر تک اضافے کی تجویز دی گئی ہے تاہم پیٹرولیم مصنوعات کی قیمتوں میں اضافے کا حتمی فیصلہ وزارت خزانہ وزیراعظم سے مشاورت کے بعد کرے گی۔
یاد رہے کہ اس وقت ملک میں پیٹرول کی موجودہ قیمت 100 روپے 69 پیسے فی لیٹر جبکہ ڈیزل کی قیمت 105 روپے 43 پیسے ہے۔