بگ باس سیون کی فاتح بھارتی اداکارہ اور ماڈل گوہر خان کی شادی 25 دسمبر کو ٹک ٹاکر اور کوریوگرافر زید دربار سے انجام پائی۔ انہوں نے اپنی شادی کی تصویر انسٹاگرام پر پوسٹ کی جس پر ہزاروں مداحوں نے خوب دعائوں اور نیک تمنائوں کا بھی اظہار کیا۔
گوہر خان کا شادی کا جوڑا لوگوں کی توجہ کا مرکز بنا ہوا ہے کیونکہ انہوں نے اپنی شادی کے دن پاکستانی ڈیزائنرسائرہ شاکرہ کے لیبل ’لام‘ کا تیار کیا ہوا خوبصورت لباس پہنا ہے۔
یہ لباس گوہر نے خود سائرہ سے فرمائش پر تیار کروایا تھا اور اپنے خوابوں جیسا لباس تیار کر کے دینے پر انہوں نے سائرہ کو انسٹاگرام پوسٹ میں ٹیگ کرتے ہوئے شکریہ بھی ادا کیا۔
لام آفیشل نے بھی گوہر کی تصاویر شیئر کرتے ہوئے کہا کہ ہمیں آپ کے کپڑے ڈیزائن کرنے پر بہت خوشی ہے کہ آپ نے ہمیں اپنے خاص دن کے اہم ترین جوڑے کو بنانے کی ذمہ داری سونپی۔