کراچی کی سڑک پر شتر مرغ نے سب کی دوڑیں لگوا دیں، سڑک پر بے قابو شتر مرغ بھاگتا دیکھ کر شہری حیران۔
تفصیلات کے مطابق گزشتہ روز کراچی کےعلاقے کورنگی میں واقع چڑیا گھر سے شتر مرغ پنجرے سے بھاگ نکلا، تاہم اس قدر بڑے شتر مرغ کو سڑک پر بھاگتا دیکھ کر شہری حیران رہ گئے۔
سڑک پر دیوانہ وار بھاگتے شتر مرغ نے شہریوں کی خوب دوڑیں لگوا دیں، سڑک پر بھیڑ لگ گئی تاہم شتر مرغ موٹر سائیکل سے ٹکرانے کی وجہ سے ایک شخص زخمی بھی ہو گیا۔
تاہم کافی جدوجہد کے بعد شہریوں نے بالا آخر شتر مرغ کو قابو کر لیا، اور چڑیا گھر انتظامیہ کے حوالے کر دیا۔
چڑیا گھر انتظامیہ کا کہنا ہے کہ نا جانے کب اور کس طرح شتر مرغ پنجرے سے فرار ہو گیا، تاہم انتظامیہ نے شتر مرغ کو قابو کر کے واپس چڑیا گھر لانے پر شہریوں کا شکر ادا کیا۔