امریکی صدر ڈونلڈ ٹرمپ کا ٹوئٹر اکاؤنٹ 12 گھنٹے کے لئے لاک، پابندی کی وارننگ بھی جاری۔
غیر ملکی میڈیا کے مطابق امریکی صدر ڈونلڈ ٹرمپ کا ٹوئٹر اکاؤنٹ 12 گھنٹے کے لئے لاک کر دیا گیا، ٹوئٹر نے امریکی صدر ٹرمپ کا حالیہ ٹوئٹ بھی ڈیلیٹ کر دیا ہے۔
ٹوئٹر کی جانب سے ڈیلیٹ کردہ ٹوئٹ میں ڈونلڈ ٹرمپ نے لکھا تھا کہ ''انتخابات میں عوام کو دور رکھنے سے ایسے واقعات ہوتے ہیں، امریکی آج کے دن کو ہمیشہ یاد رکھیں''۔
تاہم امریکی صدر نے اپنے ٹوئٹ میں امریکیوں کی حق تلفی کا بھی ذکر کیا تھا۔
اس حوالے سے ٹوئٹر انتظامیہ کا کہنا ہے کہ امریکی صدر ٹرمپ کے آج 3 ٹوئٹ ڈیلیٹ کیے گئے ہیں اور ان کا اکاؤنٹ بھی 12 گھنٹوں کیلئے لاک کر دیا گیا ہے، ٹوئٹر انتظامیہ نے وارننگ دی ہے کہ جب تک ٹرمپ ٹوئٹ نہیں ہٹائیں گے ان کا اکاؤنٹ لاک رہے گا۔