پاکستان کے مقبول ترین ڈرامہ الف میں عبدالعلیٰ کا شاندار کردار ادا کرنے والے اداکار منظر صہبائی نے اہلیہ ثمینہ احمد کی سالگرہ کے موقع پر ان کے لیے خوبصورت اور جذباتی پیغام شئیر کیا ہے۔

سینئر اداکار منظر صہبائی نے اداکارہ ثمینہ احمد کی سالگرہ کے موقع پر اپنے تصدیق شدہ انسٹاگرام اکاؤنٹ پر اُن کے ہمراہ خوبصورت تصویر شئیر کی۔

تصویر کے کیپشن میں اداکار نے لکھا کہ ’میری ثمینہ کو سالگرہ مبارک ہو۔‘

اداکار نے ثمینہ احمد سے مخاطب ہوتے ہوئے لکھا کہ ’آپ وہ عورت ہیں، میں جس سے اس دُنیا میں سب سے زیادہ محبت کرتا ہوں اور اگلے جہاں میں بھی کرتا رہوں گا۔‘

یاد رہے گزشتہ سال لاک ڈاؤن میں پاکستانی شوبز انڈسٹری کی سینئر اداکارہ ثمینہ احمد نے ساتھی اداکار منظر صہبائی سے شادی کی تھی۔ منظر صہبائی کی ثمینہ احمد سے شادی 4 اپریل 2020 کو ہوئی تھی۔

اِس حوالے سے اپنی قیمتی رائے کا اظہار لازمی کریں، ہماری ویب کے فیسبک پیج پر کمنٹ کر کے بتائیں۔